काठमाडौं(हाम्रो खेलकुद) – आगमी संस्करणको एभरेष्ट प्रिमियर लिग (इपिएल) मा अफगानिस्तानका विश्फोटक ब्याट्सम्यान मोहम्मद शाहजादले चितवन टाइगर्सबाट खेल्ने भएको छ । चितवनले बुधबार  प्रेस विज्ञप्ती जारी गर्दै शाहजादको आगमनले आफ्ना खेलाडीलाई राम्रो अनुवभ दिने बताएको छ ।

अफगानिस्तानका विश्फोटक ओपनर तथा विकेटकिपर मोहम्मद शहजादले एकै दिनमा टि ट्वान्टीमा २ अर्ध शतक प्रहार गर्दै विश्व कीर्तिमान कायम गरेका छन् । सन् २०१७ उनले को जनवरीमा विहान ओमान र बेलुका आयरल्यान्डसँग फाइनलमा अर्ध शतक प्रहार गर्दै विश्व कीर्तिमान कायम गरेका थिए ।

शाहजादले विश्फोटक ब्याटिङको लागि विश्व क्रिकेटमा परिचित छन् । अफगानिस्तानलाई टेष्ट मान्यता दिलाउन उनको योगदान महत्वपूर्ण छ । उनले २ टेष्टमा ६९, ८५ ओडीआईमा ६ शतक र १४ अर्ध शतक सहित कुल २७ सय २६ तथा ६४ टि ट्वान्टीमा १ शतक सहित १८ सय ६० रन बनाएका छन् ।

शहजादको टि ट्वान्टीआईमा स्टाइक रेट १३४ रहँदा २ सय ६ चौका र ६९ छक्का सामेल छ । सन् २०१६ मा शाहजादले जिम्बावेसँगको टि ट्वान्टी खेलमा ६७ बलमा १० चौका र ८ छक्का १ सय १८ रनको शतकीय इनिङ खेलेका थिए । शाहजादले अफगानिस्तान क्रिकेट बोर्डसँग अनुमति नलिई अन्य देशमा गएको भन्दै प्रतिबन्धमा रहेका छन् ।

एक दिवसिय खेलमा विश्वकपमा फिटनेश नभएको भन्दै उनलाई घर फिर्ता बोलाइएको थियो । प्रतिबन्धमा रहेका शहजादले विदेशी लिग खेल्दै आएका छन् । चितवनले यस पटक कप्तान पृथु वास्कोटालाई पोखरा राइनोज र उप कप्तान दीपेन्द्र सिंह ऐरीलाई काठमाडौं किंग्स ११ लाई बेचेको छ ।

काठमाडौंका तीब्र गतिका बलर सोमपाल कामी यस पटक चितवनबाट इपिएल खेल्ने छन् । चितवनमा सोमपालसँगै, दिलिप नाथ, सन्दीप सुनार, साहब आलम, ललित भण्डारी, कमल सिंह ऐरी, भिम सार्की, सागर ढकाल, आदिल खान, ईशान पाण्डे र खडक बोहरा स्वदेशी खेलाडी रहेका छन् ।