दुई वर्षअघि एकदिवसीय अन्तर्राष्ट्रिय (ओडीआई) मान्यता पाएको नेपालले माघको अन्तिम साता हुने विश्वकप लिग २ अन्तर्गतको त्रिकोणात्मक सिरिजबाट घरेलु मैदानमा ओडीआई डेब्यु गर्दैछ । यस्तोमा नेपाली टोलीले पछिल्लो दुई सातायता नियमित प्रशिक्षण गरिरहेको छ ।

शुक्रबारसम्म पोखरामा रहेर प्रशिक्षण गरेको नेपालले १४ सदस्यीय टोली घोषणा गरेपछि टियु मैदानमा नै प्रशिक्षण थालेको छ । अन्तिम टोलीमा यसअघि यू१९ राष्ट्रिय टोलीबाट खेलिसकेका तीब्र गतिका बलर कमल सिंह ऐरी पहिलो पटक परेका हुन् । बन्द प्रशिक्षणमा रहेका २४ खेलाडीबाट १४ सदस्य टोली घोषणा भएको हो ।

टोलीमा तीव्र गतिका बलर सोमपाल कामी छैनन् । उनी पछिल्लो समय चोटको कारण टोली बाहिर रहँदै आएका छन् । त्यस्तै गत सेप्टेम्बरमा सिंगापुर जिम्बावे त्रिकोणात्मक टि ट्वान्टी सिरिजमा नेपाली टोलीमा डेब्यू गरेका कुशल मल्लले पनि घरेलु मैदानमा हुने ओडीआई त्रिकोणात्मक सिरिजमा स्थान बनाएका छन् । कुशलले पवन सरार्फको स्थान लिएका हुन् । कमलले सोमपालको स्थान लिएका हुन् ।

तीब्र गतिका बलर अभिनाष बोहरा र स्पिनर सुशन भारीले पनि पहिलो पटक ओडीआई मान्यता खेलमा पहिलो पटक परेका हुन् । यी दुबैले लिस्ट ए खेल खेलिसकेका छन् । नेपाल, ओमान र अमेरिकाबीचको त्रिकोणात्मक सिरिज माघ २२ देखी २९ सम्म कीर्तिपुर क्रिकेट मैदानमा हुँदै छ । ओमान र अमेरिकाले पनि आफ्नो अन्तिम टोली घोषणा गरिसकेका छन् ।

नेपाली टोली:

ज्ञानेन्द्र मल्ल (कप्तान), आरिफ शेख, दीपेन्द्र सिंह ऐरी, अभिनास बोहरा, विनोद भण्डारी, करण केसी, ललित नारायण राजवंशी, पारस खड्का, कुशल मल्ल, कमलसिंह ऐरी, रोहित कुमार पौडेल, सुशन भारी, शरद भेषावकर र सन्दीप लामिछाने

आइतबार पहिलो दिनको प्रशिक्षणका केहि तस्बिरहरु हाम्रोखेलकुदका सुबास हुमागाईंले खिचेका छन् :

थप तस्बिर हेर्न यहाँ थिच्नुहोस्