एजेन्सी – ओमानले आईसीसी विश्वकप लिग २ अन्तर्गत नेपाल र अमेरिकासँग हुने एकदिवसिय त्रिकोणात्मक सिरिजको लागि १४ सदस्यी टोलीको बुधबार घोषणा गरेको छ ।

माघ २२ देखि २९ गते सम्म कीर्तिपुर क्रिकेट मैदानमा हुने त्रिकोणात्मक सिरिजको लागि जिशान मकसूदको कप्तानीमा टोली घोषणा गरिएको हो ।

डिसेम्बरमा यूएई र नामिबियासँगको त्रिकोणात्मक सिरिज खेलेको टोलीलाई नै ओमानले निरन्तरता दिएको छ । नेपाली टोलीले भने २४ खेलाडी समावेश गर्दे पोखरामा बीच बन्द प्रशिक्षण गरि रहेको छ ।

नेपालले पनि केहि दिनमै आफ्नो अन्तिम १४ सदस्यीय टोली घोषणा गर्ने बताइएको छ । अमेरिकाले पनि यसअघि नै १४ सदस्यीय टोलीको घोषणा गरि सकेको छ ।

ओमान आईसीसी विश्वकप लिग २ मा चौथो स्थानमा छ । ओमान ८ खेलमा ४ मा जित र २ मा हार सहित चौथो स्थानमा छ । २ खेलमा भने वर्षाका कारण नतिजा विहिन भएको थियो । अमेरिका ८ खेलमा ६ मा जित र २ मा हार सहित शीर्ष स्थानमा छ ।

८ खेलमा ४ मा जित र ३ मा हार सहित स्कटल्यान्ड दोस्रो स्थानमा छ । ८ खेलमा ४ मा जित र ३ मा हार सहित नामिबिया तेस्रो स्थानमा छ । ८ खेलमा यएईले समान ३ मा जित र हार सहित पाँचौ स्थानमा छ । पुछारमा रहेको पप्पुवा न्युगिनी ८ खेलमा ८ खेल हार्दै पुछारमा छ । नेपालले कुनै खेल खेलेको छैन ।

त्रिकोणात्मक सिरिजको लागि ओमानको टोली – जीशान मकसूद (कप्तान), अकीब इलियास (उपकप्तान), जितेन्द्रर सिंह, खवर अली, सनुथ इब्राहिम, सुरज कुमार, मोहम्मद नसीम, सन्दीप गौड, मोहम्मद नदीम, जय ओडेदरा, बादल सिंह, अहमद बट, कलीमुल्लाह र बिलाल खान ।