एजेन्सी – दक्षिण अफ्रिकासँगको तेस्रो टेष्ट खेलमा इंग्ल्यान्ड सोमबार ५३ रनको इनिङ अन्तरले विजयी भएको छ । यो सँगै चार टेष्ट सिरिजमा इंग्ल्यान्डले २-१ को अग्रता लिएको छ ।

इंग्ल्यान्डले ४ सय ९९ रन बनाउन ९ विकेट गुमाएको अवस्थामा पहिलो इनिङ समाप्तीको घोषणा गरेको थियो । उसका २२ वर्षिय यवा ब्याट्सम्यान ओल्ली पोपले २ सय २६ बलमा १८ चौका र १ छक्का सहित १ सय ३५ रनमा अविजित रहे । पोप नै म्यान अफ द म्याच चुनिए । बेन स्टोक्सले २ सय १४ बलमा १२ चौका र २ छक्का सहित १ सय २० रनको शतकीय इनि ङ खेले । साम करन ४४, मार्क वुड ४२, कप्तान जो रुट २७, जो डेनली २५, डोमोनिक सिब्ली ३६ र ज्याक क्रालीले ४४ रनमा आउट भए । दक्षिण अफिका केशव महाराजले ५ र कागिसो रबाडाले २ विकेट लिए ।

दक्षिण अफ्रिकाले पहिलो इनिङमा २ सय ९ रनमा अल आउट भयो । विकेटकीपर क्विन्टन डी ककले सर्वाधिक ६३ रनको योगदान दिए । ओपनर डिन एल्गर ३५, पिटर मलान १८ र रस्सी भान दसेनले २४ रनको योगदान दिए । इंग्ल्यान्डका युवा स्पिनर डोमिनिक बेसले ५ विकेट लिए । इंल्यान्डले दक्षिण अफ्रिकालाई फलोअनमा पारेको थियो ।

दोस्रो इनिङ थालेको दक्षिण अफ्रिका २ सय ३७ रनमा अल आउट भएपछि इनिङ अन्तरले विजयी भएको हो । दक्षिण अफ्रिका केशव महाराज अन्तिम विकेटका रुपमा रन आउट हुनु अघि १ सय ६ बलमा १० चौका र ३ छक्का सहित ७१ रन जोडे । केशवले रुटलाई ८२ औं ओभरमा ४ चौका र २ छक्का सहित कुल २८ रन जोड ।

अन्तिम विकेटका लागि केशव र डेन पेटरशनले ९९ रनको साझेदारी गर्दै खेललाई केहि समय रोमान्चक बनाएका थिए । डेन पेटरसन ३९ रनमा अविजित रहे । कप्तान फाफ डु प्लेसिसले ३६ रन जोड्न बाहेक अन्यले राम्रो प्रर्दशन गर्न सकेनन् । इंग्ल्यान्डका कप्तान जो रुटले ४ र मार्क उडले ३ विकेट लिए ।

पहिलो खेलमा दक्षिण अफ्रिका १ सय ७ रनले विजयी भएको थियो । दोस्रो खेलमा इंग्ल्यान्डले १ सय ८९ रनको फराकिलो जित निकालेको थियो । चौथो टेष्ट शक्रबार देखी सुरु हुने छ ।