एजेन्सी – अष्ट्रेलियामा जारी बिग ब्यास लिगमा नेपाली लेग स्पिनर सन्दीप लामिछाने सम्मिलित मेलबर्न स्टार्सलाई सिड्नी सिक्सर्सले १ सय ४७ रनको लक्ष्य दिएको छ । टस हारेर ब्याटिङको निम्तो पाएको सिड्नीले निर्धारित १४ ओभरमा ४ विकेट गुमाउँदै १ सय ४३ रन बनायो ।

वर्षाको कारण खेल ६ ओभर घटाईएको थियो । डक वर्थ लिविस पद्दती अनुसार मेलबर्नले १ सय ४७ रनको लक्ष्य पाएको हो । सिड्नीका कप्तान मोइसेस हेनरिक्सले मात्रै ३१ बलमा ८ छक्का र २ चौका सहित ७२ रन जोडेपछि विशाल योगफल बनाएको हो ।

जेम्श भिन्स २२ बलमा २ छक्का र १ चौका सहित ४१ रनमा अविजित रहे । सन्दीपले ३ ओभरमा ३८ रन खर्चेर २ विकेट लिए । डानियल वोरलको नाममा १ विकेट रह्यो ।  तीन ओभर सन्दीपले पाँचौ ओभरमा मात्र ३ रन खर्चेर २ विकेट लिए ।

डानियल ह्यूजेस र दोस्रोमा जोश फिलिपलाई एक एक रन दिए । तेसो बल डट राखे । चौथो बलमा डानियललाइ सन्दीपले १४ रनमा स्टम्पिङ आउट गराए । पाचौं बलमा जेम्श भिन्सलाइ १ रन दिएका सन्दीपले अन्तिम बलमा फिलिपलाइ १० रनमा क्याच गराए ।

सन्दीपले ७ औं ओभरमा ११ रन खर्चिए । ११ औं ओभरमा सन्दीपले २४ रन खर्चिए । जेम्स भिन्सले पहिलो बलमा छक्का र दोस्रो बलमा चौका प्रहार गरे । तेस्रो बलमा एक रन दिए । चौथो र पाचौं बलमा मोइसेस हेनरिक्सले लगातार छक्का प्रहार गरेपछि सन्दीप महगो साबित भएका हुन् ।