एजेन्सी – पुर्व कप्तान स्टिभ स्मिथले उत्कृष्ट शतक प्रहार गरेपछि तेस्रो तथा अन्तिम एक दिवसीय खेलमा अष्ट्रेलियाले भारतलाई २ सय ८७ रनको लक्ष्य दिएको छ । टस जितेर ब्याटिङ रोजेको अष्ट्रेलियाले निर्धारित ५० ओभरमा ९ विकेट गुमाउँदै २ सय ८६ रन बनायो ।

अष्ट्रेलियालाई बलियो योगफलमा पुर्याउन पुर्व कप्तान स्टिभ स्मिथले १ सय ३१ रनको शतकिय इनिङ खेले । स्मिथको यो ओडिआइ करिअरको नवौं शतक हो । स्मिथले १ सय ३२ बलमा १४ चौका र १ छक्का प्रहार गरे । स्मिथलाई ४८ औं ओभरको पहिलो बलमा मोहम्मद शामीले श्रेयर ऎरबाट क्याच आउट गराए । स्मिथले दुई वर्ष पछी एकदिवसीय क्रिकेटमा सतक प्रहार गरेका हुन् ।

चौथो ओभरको दोस्रो बलमा ओपनर डेविड वार्नरलाई मोहम्मद शामीले विकेटकिपर लोकेश राहुलबाट ३ रनमा क्याच गराए । नवौं ओभरको पाँचौ बलमा कप्तान आरोन फिन्च स्टिभ स्मिथसग तालमेल गर्न नसक्दा १९ रनमा रन आउट हुन पुगे । फिन्चले २६ बलमा १ चौका र १ छक्का प्रहार गरे ।

दुबै ओपनरलाई सस्तैमा गुमाएको अष्ट्रेलियालाई तेस्रो विकेटका लागि स्मिथ र युवा खेलाडी मार्नस लाबुसेनले १ सय २७ रनको सतकिय साझेदारी गर्दै इनिङ उकासेका थिए ।

रविन्द्र जडेजाले ३२ औं ओभरको तेस्रो बलमा लाबुसेनलाई ५४ रनमा कप्तान विराट कोहलीबाट क्याच गराउदै सतकिय साझेदारी तोडेका थिए । एक दिवसीय खेलमा पहिलो अर्ध शतक प्रहार गरेका लाबुसेनले ६४ वलमा ५ चौका प्रहार गरे

विकेटकिपर एलेक्स करिले ३६ बलमा ६ चौका सहित ३५ रन जोडै टोलीलाई बलियो योगफल तर्फ लम्काए । कुलदिप यादवलाइ ४२ औं ओभरको चौथो वलमा ठुलो सट खेल्ने धुनमा करि श्रेयरबाट क्याच आउट पुन पुगेका थिए । एस्टन टर्नर ४ रनमा क्याच आउट भए । एस्टन अगर ११ रनमा नट आउट रहे ।

भारतका तीब्र गतिका बलर मोहम्मद शामिले १० ओभरमा ६३ रन खर्चेर ४ विकेट लिए ।

स्पिनर रविन्द्र जडेजाले १० ओभरमा १ मेडन सहित ४४ रन खर्चेर २ विकेट लिए । कुलदिप यादवले १० ओभरमा ६२ रन खर्चेर १ विकेट लिए । नवदिप सैनिको नाममा १ विकेट रह्यो ।