एजेन्सी – तीन एक दिवसीय सिरिज अन्तर्गत दोस्रो खेलमा घरेलु टोली भारतले अष्ट्रेलियालाई ३ सय ४१ रनको विशाल लक्ष्य दिएको छ । राजकोटमा टस हारेर ब्याटिङको निम्तो पाएको भारतले निर्धारित ५० ओभरमा ६ विकेट गुमाउँदै ३ सय ४० रन बनायो ।

स्पिनर एडम जम्पाले १३.३ ओभरमा रोहितलाई ब्यक्तिगत ४२ रनमा एलबीडब्लू आउट गर्नु पहिलो विकेटका लागि शिखर धवन र रोहित शर्माले ८१ रनको साझेदारी गर्दै राम्रो सुरुवात दिए । रोहितले ४४ बलमा ६ चौका प्रहार गरे ।

दोस्रो विकेटका लागि शिखर धवन र कप्तान विराट कोहलीले १ सय ३ साझेदारी गर्दै इनिङ उकासे । २९ औं ओभरको चौथो बलमा केन रिचड्सनले मिचेल स्टार्कबाट धवनलाई ९६ रनमा क्याच गराउदै शतकिय साझेदारी तोडे।

ओडिआइ करिअरको १८ औं शतक बनाउन ४ रनले चुकेका धवनले ९० बलमा १३ चौका र १ छक्का प्रहार गरे । जम्पाले श्रेयर ऐरलाई ७ रनमा बोल्ड आउट गरे । चौथो विकेटका लागी कोहली र लोकेश राहुलले ७८ रनको साझेदारी गर्दै इनिङ उकासे ।

कोहली पुन जम्पाकै सिकार बन्न पुगे । ४४ औं ओभरको पहिलो बलमा जम्पालाई ठुलो शट खेलेका कोहली लङ अनमा एस्टन अगरले बल मिचेल स्टार्कलाई दिदै बाउन्ड्री बाहिर गएका थिए । कोहलीले ७६ बलमा ६ चौका सहित ७८ रन जोडे ।

मनिष पान्डे २ रनमा आउट भए । पहिलो खेलमा कोहलीलाई जम्पाले १६ रनमा आउट गराएका थिए । तल्लोक्रममा विकेटकिपर लोकेश लाहुलले ५२ बलामा ६ चौका र ३ छक्का सहित ८० रनको उत्कृष्ट इनिङ खेलेपछी भारतले विशाल बनाएको हो ।

राहुल अन्तिम ओभरको चौथो रन आउट हुन पुगे । रविन्द्र जडेजा १६ बलमा १ चौका सहित २० रनमा अविजित रहे । एडम जम्पाले १० ओभरमा ५० रन खर्चेर ३ विकेट लिए । केन रिचड्सनले १० ओभरमा ७३ रन खर्चेर २ विकेट लिए ।