default_image

5 years ago

January 6, 2020

पोखरामा बन्द प्रशिक्षण गर्दै राष्ट्रिय क्रिकेट टाली

101 views

0 Bookmark

काठमाडौं (हाम्रो खेलकुद) – नेपाली राष्ट्रिय क्रिकेट टोलीले आईसीसी विश्वकप लिग २ अन्तर्गत घरेलु मैदानमा हुने ओमान र अमेरिकासँगको त्रिकोणात्मक सिरिजको लागि बन्द प्रशिक्षण पोखरा रंगशालामा रहेको क्रिकेट मैदानमा गर्ने भएको छ ।

माघ २२ देखि २९ सम्म टियु क्रिकेट मैदानमा हुने उक्त सिरिजको लागि मैदान मर्मत कार्य जारी हुँदा पोखरामा बन्द प्रशिक्षण गर्न लागेको नेपाल क्रिकेट संघ (क्यान) का सचिव अशोकनाथ प्याकुरेलले हाम्रो खेलकुदलाई जानकारी दिएका छन् । प्याकुरेलका अनुसार नेपालले अर्को हप्तादेखी पोखरा अभ्यास थाल्ने छ ।

प्रमुख प्रशिक्षक उमेश पटवाल भारत गएको हुँदा उताबाट फर्किएसँगै अभ्यास थाल्ने छ । नेपालले सुरुवाती बन्द प्रशिक्षणमा २५ देखी ३० खेलाडीलाई बोलाउने तयारी गरेको उनले जनाएका छन् । पोखरा रंगशालामा दुई संस्करणको पोखरा प्रिमियर लिग सफलतापूर्ण सम्पन्न भइसकेको छ ।

पोखराको पिचलाई लिएर पुर्व कप्तान पारस खड्काले तारिफ गर्दै आएका छन् । ब्याटिङ पिच मानिने पोखरा रंगशालामा फाइनलमा खेलमा चितवन राइनोजले विराटनगर टाइटन्सविरुद्ध २ सय २ रन बनाएको थियो । नेपालले सन् २०१३ मा पोखरा रंगशालामा बन्द प्रशिक्षण गरेको थियो ।

प्याकुरेलले मलेसियासँग खेल्ने भनिएको टि ट्वान्टी र ओडीआई सिरिज हल्लामात्रै रहेको प्रष्ट पारेका छन् । सुनसरीको इनरुवामा जारी मनमोहन मेमोरियल एक दिवसिय क्रिकेट प्रतियोगिता खेल्न आएको मलेसिया ११ सँग अभ्यास खेल खेल्ने संभावना रहेको बताए । उक्त अभ्यास खेल यू१९ र सिनियर टोली बाहिर रहेका खेलाडीले खेल्ने संभावना छ ।

के हो आईसीसी विश्वकप लिग २ ?

आईसीसी विश्वकप लिग–२ भनेको सन् २०२३ मा भारत हुने एक दिवसिय विश्वकपको यात्रा हो । आईसीसी विश्वकप लिग–२ मा ७ एसोसिएट सदस्य राष्ट्रबीच प्रतिस्पर्धा हुने छ । आईसीसीको वान डे वरीयतामा १४–२० सम्म रहेका नेपाल,ओमान,नामिविया,पप्पुवा न्युगिनी, स्कटल्यान्ड, यूएई र अमेरिकाबीच लिग अन्तर्गत २१ त्रिकोणात्मक सिरिज हुनेछ ।

साढे दुई वर्ष सम्म चल्ने प्रतियोगितामा प्रत्येक राष्ट्रले होम र अवे गरि कुल ३६ ओडीआई खेल्ने छन् । जसमध्यका शीर्ष तीन टोली सन् २०२२ मा हुने आईसीसी विश्वकप क्वालिफायरको लागि छनोट हुने छन् । पुछारका चार टोलीले विश्वकप छनोट प्लेअफ खेल्ने छन् । जुन सन् २०२२ मै हुने छ ।

अमेरिका शीर्ष स्थानमा

नेपाल बाहेक अन्य ६ टोलीले विश्वकप लिग २ अन्तर्गत त्रिकोणात्मक सिरिज खेलि सकेका छन् । अमेरिका ८ खेलमा ६ मा जित र २ मा हार सहित १२ अंक जोड्दै शीर्ष स्थानमा छ । स्कटल्यान्डले ८ खेलमा ४ मा जित र ३ मा हार सहित ९ अंक जोड्दै दोस्रो स्थानमा छ । स्कटल्यान्डले यूएईसँग एक खेल वर्षाको कारण अंक बाडेको थियो ।

४ खेलमा ३ मा जित १ मा हार सहित ६ अंक जोड्दै नामिबिया तेस्रो र ओमान चौथो स्थानमा छन् । यूएई ४ खेलमा १ मा जित र २ मा हार सहित पाँचौ स्थानमा छ । ८ खेलमा ८ मै पराजित भएको पप्पुवा न्युगिनी पुछारमा छ ।

February 27, 2025

सोनुको अलराउण्ड प्रदर्शनमा काठमाडौंको जित

काठमाडौं(हाम्रो खेलकुद) – सोनु देवकोटको अलराउण्ड प्रदर्शनप्रेरित काठमाडौं जिल्लाले प्रधानमन्त्री कप राष्ट्रिय पुरुष क्रिकेट प्रतियोगिताको बागमती छनोटमा पहिलो जित दर्ता गरेको छ । बिहीबार मुलपानीमा भएको खेलमा काठमाडौंले त्रिभुवन विश्वविद्यालय (त्रिवि)विरुद्ध ३ सय ५५ रनको जित दर्ता गर्यो । काठमाडौंले प्रस्तुत गरेको ४ सय ११ रनको विशाल लक्ष्य पछ्याएको त्रिवि २६.१ ओभरमा ५५ रनमै समेटियो […]

February 27, 2025

पाकिस्तान र बंगलादेशबीचको खेल रद्द

एजेन्सी – पाकिस्तान र बंगलादेशबीचको च्याम्पियन्स ट्रफिको खेल वर्षाका कारण रद्द भएको छ । भारी वर्षाका कारण पाकिस्तानको रावलपिण्डीमा हुनु पर्ने खेल टस समेत नभई रद्द भएको हो । खेल हुन नसके पछि दुवै टोलीले समान १ अंक बाडेका छन् । गत मंगलवार पनि रावलपिण्डीमा वर्षाका कारण दक्षिण अफ्रिका र अस्ट्रेलियाबीचको खेल समेत रद्द भएको […]

February 27, 2025

पाकिस्तान र बंगलादेशबीचको खेलमा वर्षा बाधक

एजेन्सी – च्याम्पियन्स ट्रफी अन्तर्गत पाकिस्तान र बंगलादेशबीचको खेलमा वर्षा वाधक भएको छ । पाकिस्तानको रावलपिण्डीमा हुनु पर्ने खेलको टस समेत वर्षाका कारण हुन सकेको छैन । दुवै देश भारत र न्युजिल्याण्डसँग पराजित भएका थिए । पाकिस्तान र बंगलादेश रहेको समूह ए बाट भारत र न्युजिल्याण्ड सेमिफाइनल प्रवेश गरिसकेका छन् । घरेलु समर्थकको अगाडि पाकिस्तान […]

Success

Thank you for your time.