पोखरा (हाम्रो खेलकुद) – दोस्रो संस्करणको पोखरा प्रिमियर लिग (पीपीएल) फाइनल खेलमा विराटनगर टाइटन्सले चितवन राइनोजसँग पहिला फिल्डिङ गर्ने भएको छ । पोखरा रंगशालामा भएको टसमा विराटनगरका कप्तान प्रदीप ऐरीले टस जितेर पहिला फिल्डिङ गर्ने निर्णय लिएका हुन् ।

चितवन लिग चरणमा पाँचै खेलमा जित निकाल्दै फाइनलमा पुगेको थियो । यता विराटनगर लिग चरणमा ५ खेलमा ३ मा हार र २ मा जित सहित काठमाडौं गोल्डेन्स वारियर्सलाई नेट रनरेटले पछि पार्दै प्ले अफमा पुगेको हो । क्वालिफायरमा बुटवल ब्लास्टर्सलाई २१ रनले पराजित गर्दै विराटनगरले फाइनलमा प्रवेश गरेको थियो ।

लिग चरणको अन्तिम खेलमा बुटवलले पस्तुत गरेको १ सय ३४ रनको लक्ष्य विराटनगरले ११.४ ओभरमा पुरा गर्दै प्ले अफ पक्का गरेको थियो । लिग चरणको खेलमा विराटनगर चितवनसँग १८ रनले पराजित भएको थियो ।

चितवनले आजको खेलमा टोलीमा दुई परिवर्तन गरेको छ । लिग चरणको अन्तिम खेलमा काठमाडौं गोल्डेन्स वारियर्सविरुद्ध मैदान उतारेको मध्य गतिका बलर रामनरेश गिरी र अलराउन्डर सोनु तामाङलाई बेन्चमा राखेको छ । चितवनले त्यस्तै स्पिनर विक्रम कुमार भुषाल र आकश थापालाई पनि बेन्चमा राखेको छ ।

चितवनले आज प्रमुख बलरको रुपमा तीब्र गतिका बलर करण केसी, विक्रम शोब र स्पिनर भुवन कार्की मैदान उतारेको छ ।
विराटनगरले एक परिवर्तन गरेको छ । ब्याट्सम्यान मिनाश थापाको स्थानमा विकेटकीपर दिलिप नाथलाई मौका दिएको छ । विराटनगरबाट राजु रिजाल, दीपेश श्रेष्ठ, राजेश पुलामी मगर र मिनाश थापा बेन्चमा छन् ।

चितवनको प्लेइङ ११ :

पारस खड्का (कप्तान), करण केसी, रोहन मुस्तफा, बाबर हायत, सन्नी पटेल, भुवन कार्की, आरिफ शेख, अनिल कुमार शाह, हरि शंकर शाह, विक्रम शोब र सुमित महर्जन ।

विराटनगरको प्लेइङ ११ :

प्रदीप ऐरी, लोकेश बम, साहब आलम, पुनित मेहरा, मोहम्मद जैद आलम, नोमन खान, जितेन्द्र मुखिया, किशोर महतो, सुनिल धमला, पुष्प थापा र दिलिप नाथ ।