काठमाडौं (हाम्रो खेलकुद) – दोस्रो संस्करणको नमस्ते पोखरा प्रिमियर लिग (पीपीएल) को लागि विराटनगर टाइन्टसले दुई खेलाडीको नाम सार्वजनिक गरेको छ ।

पाकिस्तानका ब्याटिङ अलराउन्डर मोहम्मद जैद आलम र भारतीय बायाँ हाते अलराउन्डर पुनित मेहराले पीपीएल विराटनगरबाट खेल्ने छन् । जैदले गत वर्ष विराटनगरबाटै खेलेका थिए भने पुनितले पहिलो पटक खेल्न लागेका हुन् । विराटनगर लिग चरणबाटै बाहिरिएपनि जैदले ४ खेलमा ३ अर्ध शतक सहित २ सय ९ रन बनाउँदै उत्कृष्ट प्रर्दशन गरेका थिए ।

पुनितले गत वर्ष डिपिएलमा रुपन्देही च्यालेन्जर्सबाट ६ खेलमा ६४ रन बनाउनुको साथै १२ विकेट लिएका थिए । पुनितले इपीएलमा भैरहवा ग्याडियटर्सबाट खेलेका थिए । यस पटक देखी पीपीएलमा तीन खेलाडी राख्न पाउने प्रावधान छ । विराटनगरले तेस्रो विदेशी खेलाडीसँग निरन्तर कुराकानी गरेपनि अन्तिम नाम टुङ्ग्याउन बाँकी रहेको जनाएको छ ।

विराटनगर पहिलो संस्करणमा ५ खेलमा ४ मा हार र १ मा जित सहित पुछारमा रहेर बाहिरिएको थियो । गत वर्ष विराटनगरको कप्तानी सन्दीप लामिछानेले गरेका थिए । यस पटक विराटनगरको कप्तानी प्रदीप ऐरीले गर्ने छन् । सन्दीपले विग ब्यासको कारण पीपीएल खेल्ने छैनन् । पीपीएलमा विराटनगरले पहिलो खेल मंसिर २९ मा एक्स्पर्ट धनगढी ब्लुजसँग खेल्ने छ ।

विराटनगरको टोली :

प्रदीप ऐरी (कप्तान), दिलिप नाथ, दीपेश श्रेष्ठ, जितेन्द्र मुखिया, किशोर महतो, लब कामत, मिनस थापा, पुष्प थापा, राजेश पुलामी मगर, राजु रिजाल, साहव आलम , सुनिल धमला र लोकेश बम ।

विदेशी खेलाडी :

पुनित मेहरा, मोहम्मद जैद आलम र एक टुङ्गो लाग्न बाँकी ।