काठमाडौं (हाम्रो खेलकुद) – अष्ट्रेलियामा आज  सुरु भएको बिएमडब्लू कप टि ट्वान्टी प्रतियोगितामा गोर्खाली क्रिकेट क्लब, सगरमाथा क्रिकेट क्लब, नार्रे किंग्स रोयल राइनोज क्रिकेट क्लब विजयी भएका छन् । गोर्खालीले द हिमालयन क्लबलाई २५ रनले हरायो । पहिला टस जितेर ब्याटिङ थालेको गोर्खालीले २० ओभरमा ५ विकेट गुमाउँदै १ सय ७५ रन बनायो ।

सुनिलले ६ चौका र २ छक्का सहित ४५ रन जोड्दै म्यान अफ द म्याच चुनिए । प्रेम ३७ र मोहम्मद अस्लाम ४२ रन जोडे । हिमालयनका रोशन र किरणले २-२ विकेट लिए । १ सय ७६ रनको लक्ष्य पछ्याएको हिमालयनले २० ओभरमा ६ विकेट गुमाउँदै १ सय ५० रन बनायो । उसका सन्दीप ३२, रोशन ३० र सुर्दशनले २७ रन जोडे ।

सगरमाथाले हिम अष्टेलियालाई ८२ रनले हरायो । टस जितेर ब्याटिङ थालेको सगरमाथाले २० ओभरमा ५ विकेट गुमाउँदै १ सय ९३ रन बनाएको थियो । उसका असिम ४५, अभिनास ४९, कुशल ३५ र दीपेशले २६ रन जोडे । हिमका सुरज र युनिलले २-२ विकेट लिए । १ सय ९४ रनको लक्ष्य पछ्याएको हिमले १४ ओभरमा १ सय ११ रामा अल आउट भयो । उसका आकश ३०, सुरज र युनिलले १६-१६ रन जोडे । कुशल र अभिनाषले ३-३ विकेट लिए ।

अर्को खेलमा नार्रेले ब्रिलान्ट(बीसीसी) क्रिकेट क्लबलाई ५९ रनले हरायो । टस जितेर ब्याटिङ गरेको नार्रेले २० ओभरमा ७ विकेट गुमाउँदै १ सय ७२ रन बनाएको थियो । उसका किरण कडेंलले ९ चौका र १ छक्का सहित ५१ रन जोड्दै म्यान अफ द म्याच चुनिए । किशोर ४६ र निर्मलले १९ रन जोन जोडे । सुमित र अजयले २-२ विकेट लिए ।

१ सय ७३ रनको लक्ष्य पछ्याएको बीसीसी २० ओभरमा ९ विकेट गुमाउँदै १ सय १३ रन बनायो । उसका अजय २६, अंमर ११ र प्रकाशले २५ रन जोडे । सार्थले ३ विकेट लिए । रोयल राइनोजले एक्स्पर्ट क्रिकेट क्लबलाई १० विकेटले हरायो । रोयल राइनोज क्रिकेट क्लबको आयोजनामा भएको बिएमडब्लू कपमा ८ टोलीको सहभागिता रहेको छ । प्रतियोगिता लिगकम नकआउटमा हुने छ। खेल हरेक कप्तानको आइतबार हुने ।