एजेन्सी – पाकिस्तान सुपर लिग (पीएसएल) को ड्राफ्टमा लेग स्पिनर सन्दीप लामिछाने सहित ८ नेपाली खेलाडीमा बिकेनन् । पीएसएलको ड्राफ्ट सकिएको छ । जसमा कुनै पनि नेपाली खेलाडी बिक्री भएनन् ।

सिल्भर क्याटगेरीमा पुर्व कप्तान पारस सहित, आरिफ शेख, विकेटकीपर विनोद भण्डारी, दीपेन्द्र सिंह ऐरी, रोहित कुमार पौडेल, शरद भेषावकर र सोमपाल कामी रहेका थिए । जसको मूल्य १५ देखी ३५ हजार अमेरिकी डलर रहेको थियो ।

त्यस्तै लेग स्पिनर सन्दीप लामिछाने प्लेटिनम क्वाटगेरीमा थिए । प्लेटिनम क्वाटगेरीमा रहेका खेलाडीले १ लाख ४७ हजार देखी २ लाख १८ हजार अमेरिकन डलरसम्म पाउने बताइएको थियो । सन्दीपलाई कुनै पनि टोलीले मूल्य लगाएनन् । सन् २०१८ को आइपीएल पछि सन्दीप ड्राफ्ट परेर पनि नबिकेको यो पहिलो पटक हो ।

गत वर्ष सन्दीपलाई लाहोर कलन्दर्सले खरिद गरेको थियो । गोल्ड क्याटागोरीमामा लाहोरमा सन्दीप अनुबन्ध भएका थिए । सन्दीपले ७ खेलमा ११ विकेट लिएका थिए । तर यस पटक महँगो मूल्य राखेका सन्दीपलाई कुनै पनि टोलीले मूल्य लगाएनन् ।

सन्दीपको क्याटगेरीमा पहिलो राउन्डमा थियो । पहिलो राउन्डमा जोसन रोय, क्रिस लिन, मोइन अली, डेल स्टेन, कोलिन इनग्राम, एलेक्स हक्स र रिली रोसौवमाथि मूल्य लागेको थियो । सन्दीपलाई कुनै पनि टोलीले मूल्य लगाएनन् । पीएसएलमा एक टोलीले सर्वाधिक ६ मात्र विदेखी खेलाडी राख्न पाउछन् । केटा ग्याडियर्टस, लाहोर कलन्दर्स, मुल्तान सुल्तान, इस्लामबाद युनाइटेड, पेशवार जाल्मी र कराँची किंङ्स गरि ६ फ्रेन्चाइज टोली रहेका छन् ।