एजेन्सी – तीन टि ट्वान्टी सिरिज अन्तर्गत पहिलो खेलमा वेस्टइन्डिजले भारतलाई २ सय ८ रनको विशाल लक्ष्य दिएको छ । राजीव गान्धी क्रिकेट मैदान हैदराबादमा टस हारेर ब्याटिङ थालेको वेस्टइन्डिजले निर्धारित २० ओभरमा ५ विकेट गुमाउँदै २ सय ७ रन बनायो ।

वेस्ट इन्डिजका लागि युवा खेलाडी शिमरोन हेटमायरले ४१ बलमा २ चौका र ४ छक्का सहित ५६ रनमा क्याच आउट भए । शिमरोनलाई १८ औं ओभरको पहिलो बलमा युजभेन्द्र चहलले रोहित शर्माबाट क्याच आउट गराए । ओपनर लेन्डल सिमन्सलाई दोस्रो ओभरको दोस्रो बलमा दीपक चाहरले २ रनमा रोहितबाट क्याच आउट गराए ।

अर्का ओपनर इभिन लुइसले १७ बलमा ३ चौका र ४ छक्का सहित ४० रन जोड्दै आक्रामाक सुरुवात दिलाए । लुईसलाई छैटौं ओभरको चौथो बलमा वाशिन्टन सुन्दरले एलबी डब्लू आउट गरे । ब्रान्डन किङले २३ बलमा ३ चौका र १ छक्का सहित ३१ रन जोडे ।

चौथो विकेटका लागि शिमरोन र कप्तान काइरान पोलार्डले ७१ रनको साझेदारी गरेपछि वेस्ट इन्डिज विशाल योगफलमा पुगेको थियो । कप्तान पोलार्डलाई १८ औं ओभरको तेस्रो बलमा युजभेन्द्र चहलले बोल्ड आउट गर्नु अघि १९ बलमा १ चौका र ४ छक्का सहित ३७ रन जोडे ।

जेसन होल्डर २४ र दीनेश रामदीन ११ रनमा अविजित रहे । भारतका स्पिनर युजभेन्द्र चहलले ४ ओभरमा ३६ रन खर्चेर २ विकेट लिए । रविन्द्र जडेजा, दीपक चहर र वाशिन्टन सुन्दरले १–१ विकेट लिए ।