काठमाडौं (हाम्रो खेलकुद) – नेपाली राष्ट्रिय यू१६ टोलीका युवा क्रिकेटर प्रशान्त सिंहलाई राकेश कर्णले प्रायोजन गर्ने भएका छन् । तीन वर्ष सम्म प्रशान्तलाई क्रिकेट प्रशिक्षण देखी शैक्षिक सबै कुराको खर्च आफुले बेहोर्ने राकेशले हाम्रो खेलकुदलाई जानकारी दिए । पुर्व राष्ट्रिय खेलाडी समेत रहेका राकेश कर्णले प्रशान्तलाई क्रिकेटमा लाग्न सहज होस भनेर प्रयोजन गर्न लागेको बताए ।

‘प्रशान्तले उमेर समुहमा राम्रो प्रर्दशन गरि सकेको छ, उस्ले आर्थिक रुपमा संघर्ष गरि रहेको थाहा पाए । एउटा खेलाडीको करिअर बनाइदिन सक्छु भने मेरो लागि धेरै राम्रो कुरा हो भन्ने लागेर प्रायोजन गरेको हु । उसको तीन वर्षमा पढाई देखी क्रिकेट प्रशिक्षण सम्म जतिपनि खर्चहुन्छ त्यो सबै मेले बेहोर्ने छुउनले भने । राकेश अमेरिकामा बस्ने गर्दछन् । उनी प्रशान्तलाई प्रायोजन गर्न केहि दिन अघि नेपाल आएका थिए ।

प्रशान्तले प्रायोजन पाएपछि आफु क्रिकेट सिक्न काठमाडौं आएको बताएका छन् । ‘राजविराजमा खासै प्रशिक्षण र कोच हुदैनन् । उहाँले सहयोग गर्ने भएपछि म काठमाडौं आएको दुई महिना भयो, यसले मलाई धेरै फाइदा पुग्ने छ । प्रशान्तले शान्तिनगरमा रहेको ग्रेट हिमालय क्रिकेट एकेडेमीमा प्रशिक्षण गर्दै आएका छन् ।

गत अप्रिलमा थाइल्यान्डमा सम्पन्न एसीसी यू१६ इस्टर्न रिजन क्रिकेट प्रतियोगितामा नेपाल च्याम्पियन बन्दा उनि टोलीका महत्वपूर्ण सदस्य थिए । यसै प्रतियोगिता खेल्न प्रशान्तले एसइइको परिक्षा त्यागेर यू१६ टोलीसँग थाइल्यान्ड गएका थिए । प्रशान्तले उमेर समुहको घरेलु प्रतियोगिता प्रदेश दुईबाट खेल्ने गर्दछन् । गत वैशाखमा मनमोहन मेमोरियल अन्तर प्रदेश यू१६-राष्ट्रिय क्रिकेट प्रतियोगितामा उपाधि प्रदेश २ ले जित्दा प्रशान्तले उत्कृष्ट प्रर्दशन गरेका थिए । प्रशान्त मध्यगतिका बलिङ अलराउन्डर हुन् ।