पोखरा (हाम्रो खेलकुद) – नेपाली राष्ट्रिय महिला क्रिकेट टोलीकी कप्तान रुबिना क्षेत्री बेलबासेले १३ औं दक्षिण एसियाली खेलकुद (साग) मा बंगलादेशसँग हानुको मुख्य कारण कमजोर ब्याटिङ रहेको बताएकी छिन् । बुधवार बंगलादेशसँग १० विकेटले पराजित भएपछि रुबिनाले हाम्रो खेलकुदसँग कुरा गर्दै यस्तो बताएकी हुन् ।

‘ब्याटिङमा हामी साझेदारी गर्न सकेनौं, जुन हारको कारण बन्यो । मैले जिम्मेवारी लिएर खेल्न सकिन, रुबिनाले भनिन् । अव फाइनलमा स्थान बनाउन नेपाललाई शुक्रवार श्रीलकासँग स्पष्ट जित निकाल्नु पर्ने हुन्छ । यस प्रश्मा रुबिनाले भनिन्, बंगलादेशसँगको प्रर्दशन हाम्रो लागि अनुभव हो । ब्याटिङमा सुधार गर्दै श्रीलंकाविरुद्ध जित निकाल्न मैदान उत्रने छौं, उनले भनिन् ।

बंगलादेशविरुद्ध नेपाल ५० रनमा अल आउट भएको थियो । हाम्रो ब्याटिङ कमजोर हो की प्लान ल्याकअप भन्ने प्रश्नको जवाफमा उनले भनिन्,’हाम्रो ब्याटिङ राम्रो हो । बंगलादेश उत्कृष्ट टिम भएकाले खेलाडीमा डर र दबाब देखियो, फिल्डिङ र बलिङ राम्रो नै छ ।’

नेपाल बंगालदेशसँग १० विकेटले पराजित भएको थियो । नेपालले पहिलो खेलमा माल्दिभ्सलाई १० विकेटले हराएको थियो । नेपालले शुक्रवार लिग चरणको अन्तिम खेल श्रीलंकासँग खेल्ने छ । जुन खेलमा विजयी भए नेपाल फाइनलमा पुग्ने छ । पराजित भए बाहिरिने छ ।