काठमाडौं (हाम्रो खेलकुद) – १३ औं दक्षिण एसियाली खेलकुद (साग) महिला टि ट्वान्टी क्रिकेटमा नेपालले आफ्नो दोस्रो खेलमा टेष्ट टोली बंगलादेशसँग खेल्दै छ । खेल विहान ९ बजेदेखी पोखरा रंगशालमा सुरु हुने छ ।

नेपाल आजको खेलमा विजयी भए शीर्ष दुईमा रहेर फाइनलमा पुग्ने संभावना बलियो बन्ने छ । नेपालले पहिलो खेलमा कमजोर माल्दिभ्सलाई ५ बलमै १७ रनको लक्ष्य भेट्याउँदै १० विकेटले हराएको थियो । बंगलादेशले पहिलो खेलमा श्रीलंकालाई ७ विकेटले हराउँदै सुखद सुरुवात गरेको छ ।

टेष्ट टोली बंगलादेशको कप्तानी सलमान खातुनले गर्ने छिन् । बंगलादेश नेपालले हराउँदै फाइनल बलियो बनाउन चाहान्छ । नेपालको ओपनिङ विकेटकीपर काजल श्रेष्ठ र उप कप्तान सिता राना मगरले गर्ने छन् । कप्तान रुविना क्षेत्री, अप्सरी बेगम, सोनु खड्का, सुमन खड्का मध्य्रकमका ब्याट्सम्या हुन् । डब्लूसिएलमा उत्कृष्ट प्रर्दशन गरेकी अलराउन्डर सुमनको डेब्यूको संभावना छ ।

। डली भट्ट फिनिसर हुन् । माल्दिभ्सविरुद्ध २.१ ओभरमा कुनै रन नदिई ६ विकेट लिदै विश्व कीर्तिमान कायम गरेकी स्पिनर अञ्जली चन्दबाट उत्कृष्ट प्रर्दशनको आशा गरिएको छ । सोनु खड्का र कविता कुँवरले ओपनिङ बलिङ स्पेल गर्ने छन् । तीनै टि ट्वान्टी खेलमा बंगलादेशले नेपालमाथि सहज जित निकालेको छ । पछिल्लो समय उत्कृष्ट लयमा रहेको नेपालले बंगलादेशलाई कडा टक्कर दिन सक्ने अनुमान गरिएको छ । स्वर्ण जित्ने लक्ष्य राखेको नेपालले बंगलादेशमाथि ऐतिहासिक जित निकाल्न चाहान्छ ।

नेपाल र बंगलादेशीको तीन टि ट्वान्टी नतिजा

सन् २०१६ : टि ट्वान्टी एसिया कप – बंगलादेश ९२ रनले विजयी

सन् २०१४ : एसियन वुमन्स क्रिकेट – बंगलादेश ८१ रनले विजयी

सन् २०१२ : टि ट्वान्टी एसिया कप – नेपाल ९ विकेटले पराजित