पोखरा (हाम्रो खेलकुद) – बंगलादेशमा १३ औं दक्षिण एसियाली खेलकुद (साग) महिला क्रिकेट प्रतियोगितामा मंगलबार विजयी सुरुवात गरेको छ । पोखरा रंगशालामा भएको खेलमा बंगलादेशले श्रीलंकालाई ७ विकेटले हराएको थियो ।

श्रीलंकाले दिएको १ सय २३ रनको लक्ष्य बंगलादेशले १८.२ ओभरमा ३ विकेट गुमाएर विजय प्राप्त गरेकोथियो । बंगलादेशका लागि सजिदा इस्लाम अर्धशतक बनाएका थिए । सजिदा अविजित ५१ रन जोडेकी थिइन् । उनले ४५ बलमा ८ चौका प्रहार गरेकी थिइन् ।

टोलीका लागि आयसा रहमानले २९ रन र फरगंगा हकले अविजित २३ रन बटुलिन् । श्रीलंकाकी यु थिमासिनी, एस निसानसला र थारिक सिवान्डीले समान १ विकेट लिएका थिए ।

त्यसअघि टस हारेर ब्याटिङको निम्तो पाएको श्रीलंकाले २० ओभरमा ६ विकेट गुमाएर १ सय २२ रन बनाएको थियो । श्रीलंकाको लागि यु थिमासिनीले अर्धशतक बनाइन् । उनले ४९ बलमा ४ छक्का र ५ चौकाको मद्दतमा ५६ रन बनाइन् । कप्तान एच माधवीले ३३ र एस संदिपनीले १२ रन जोडिन् ।

बंगलादेशकी नहिदा अख्तरले ४ र जहनर आलमले १ विकेट लिइन् । बंगलादेशकी संजिदा प्लेयर अफ द म्याच भइन् । बंगलादेशी कप्तान सलमान खातुनले पहिलो खेलमा प्रर्दशन सन्तोषजनक रहेको बताइन् । श्रीलंकाकी कप्तान हर्षिताले कमजोर बलिङ र फिल्डिङका कारण पराजित भएको बताइन् । साग महिला क्रिकेटमा बुधबार २ खेल हुनेछन् । नेपाल र बंगलादेश तथा श्रीलंका र माल्दिभ्सबीच प्रतिस्पर्धा हुनेछ ।