काठमाडौं (हाम्रो खेलकुद) – तेस्रो संस्करणको जीत बहादुर स्मृती पाँचपोखरी सुपर-८ क्रिकेट प्रतियोगितामा आयोजक पाँचपोखरी क्रिकेट क्लब, भोटाङ युथ क्रिकेट क्लब, मेलम्ची नगरपालीका र श्रृखंला क्रिकेट क्लब सेमिफाइनलमा पुगेका छन् ।

पाँचपोखरीले यार्शा क्रिकेट क्लबलाई ३ विकेटले हराउँदै सेमिफाइनलमा पुगेको हो । टस हारेर ब्याटिङ थालेको यार्शाले ८ ओभरमा १ विकेट गुमाउँदै १ सय १ रन बनाएको थियो । उसका बिक्की तामाङ ६२ र शंकर तामाङले २५ रन जोडे ।

१ सय २ रनको लक्ष्य पछ्याएको पाँचपोखरीले २ बल अगाडीनै ४ विकेटको क्षतिमा पुरा गर्यो । पाँचपोखरीको जितमा अनुभवी ब्याट्सम्यान विजय कुमार धितालले १८ बलमा ३१ रन जोड्दै म्यान अफ द म्याच चुनिए । त्यस्तै निर्मल कार्कीले ३१ रनको योगदान दिए ।

भोटाङले बाराबिसेलाई २५ रनले पराजित गर्दै सेमिफाइनलमा स्थान पक्का गर्यो । टस हारेर ब्याटिङ थालेको बाराबिसेले ८ ओभरमा ४ विकेट गुमाउँदै १ सय २० रन बनाएको थियो । उसका अरुण तामाङले ५५ र सुरज तामाङले २२ रन जोडे ।

१ सय २१ रनको लक्ष्य पछ्याएको बाराबिसेले ८ ओभरमा ५ विकेट गुमाउँदै ९५ रनमा समेटियो । विज्ञान बोहोराले २७ र बिनेश श्रेष्ठले २० रन जोडे ।

दोस्रो क्वाटरफाइनलमा मेलम्चीले भोटाङ देबीलाई २ विकेटले हराउँदै सेमिफाइनलमा स्थान बनायो । टस जितेर ब्याटिङ गरेको भोटाङ देबीले ८ ओभरमा २ विकेट गुमाउँदै १ सय २१ रन बनाएको थियो । उसका पेम्बा तामाङले ६२ र पासाङ तामाङले ३५ रन जोडे । १ सय २२ रनको लक्ष्य मेलम्चीले ४ बल अगाडीनै ५ विकेटको क्षतिमा पुरा गर्यो । उसका राम कृष्ण दुलाल ४२ र सुदीप दुलाल १८ रनको योगदान दिए ।

श्रृखंलालले सिन्धु लायन्सलाई ४ विकेटले हराउँदै सेमिफाइनलमा स्थान पक्का गरेको हो । टस जितेर ब्याटिङ थालेको सिन्धुले निर्धारित ८ ओभरमा ५ विकेट गुमाउँदै ७० रन बनायो । मनोज देउजा ३५ र सुदीप तिमिल्सिनाले १२ रन जोडे ।

७१ रनको लक्ष्य श्रृखंलालले ६.२ ओभरमा ३ विकेट गुमाउँदै पुरा गर्यो । उसका जंग बहादुर तामाङ ३५ र लाक्पा तामाङले १२ रन जोडे । सेमिफाइनल र फाइनल शनिवार हुने छ । प्रमुख अथिथि पुर्व कानुन मन्त्री सांसद शेर बहादुर तामाङले पुरस्कार वितरण गर्ने बताइएको छ ।

पाँचपोखरी थाङ्गपाल गाउँपालिका वडा नम्बर ६ धापमा जन्मिएका पारा ओलम्पिक खेलाडी स्व जित बहादुर खड्काको स्मृतिमा यस प्रतियोगिता गरिएको हो । जीत बहादुरको २०७२ सालमा गएको महा-भुकम्पको परि मृत्यु भएको थियो ।