एजेन्सी – पछिल्लो समय निकै लयमा रहेका विकेटकीपर बिजे वाटलिङको शतकसँगै घरेलु टोली न्युजिल्यान्डले इंग्ल्यान्डविरुद्ध अग्रता लिएको छ ।

तेस्रो दिनको खेल सकिदा न्युजिल्यान्डले पहिलो इनिङमा ४१ रनको अग्रता लिदै इंग्ल्यान्डलाई दबाबमा राखेको छ। न्युजिल्यान्ड १ सय ४१ ओभरमा ३९४-६ को अवस्थामा छ । उसका विकेटकीपर बिजे वाटलिङ २ सय ९८ बलमा १५ चौका सहित १ सय १९ बलमा अविजित छन् । बिजेको टेष्ट करिअरमा यो ८ औं शतक हो । मिचेल सान्टनारले ३१ रनमा अविजित छन्

अलराउन्डर कोलिन डी गा्रन्डहोम ६५ रनमा क्याच आउट भए । ग्रान्डहोमलाई बेन स्टोक्सले डोमिनिक सिब्लीबाट क्याच आउट गराउनुअघि १ सय ८ बलमा ७ चौका र १ छक्का प्रहार गरे । खराब सुरुवात गरेको न्युजिल्यान्डलाई बिजे र कोलिन डी ग्रान्डहोमले छैटौं विकेटका लागि १ सय १९ रनको शतकीय साझेदारी गर्दै बलियो अवस्थामा पुर्याएका थिए । ओपनर जित रावल १९, टम लाथम ८, कप्तान केन विलियम्सनलाई ५१, रोश टेलर २५ र हेनरी निकोल ४१ रनमा आउट भए । इंग्ल्यान्डका साम करन र बेन स्टोक्सले समान २ विकेट लिएका छन् । त्यस्तै ज्याक लेच र कप्तान जो रुटले १-१ विकेट लिएका छन् ।

पहिलो इनिङमा इंग्ल्यान्ड १ सय २४ ओभरमा ३ सय ५३ रनमा अल आउट भएको थियो । अलराउन्डर बेन स्टोक्स ९ रनले शतक बनाउन चुके । १ सय १ औं ओभरको पहिलो बलमा टिम साउथीले रोश टेलरबाट ९१ रनमा क्याच आउट गराएपछि शतक बनाउन चुकेका हुन् । स्टोक्सले १ सय ४६ बलमा १२ चौका प्रहार गरे । ज्याक लेच १८ रनमा नट आउट रहे । डेनली १ सय ८१ बलमा ८ चौका र १ छक्का सहित ७४ र रोरी बर्न्स १ सय ३८ बलमा ६ चौका सहित ५२ रनमा आउट भए । ओल्ली पोप २९, विकेटकीपर जस बटलर ४३, साम करन शून्य र जोफ्रा आर्चर ४ रनमा आउट भए ।

न्युजिल्यान्डका टिम साउथीले ३२ ओभरमा ७ मेडन सहित ८८ रन खर्चेर ४ विकेट लिए । निल वाग्रर ३, कोलिन डी ग्राण्डहोम २ र ट्रन्ट बोल्टले १ विकेट लिए ।