एजेन्सी – न्युजिल्यान्डसँगको पहिलो टेष्टमा पाहुना टोली इंग्ल्यान्डले दबाबमा राखेको छ । दोस्रो दिनको खेल सकिंदा पहिलो इनिङमा न्युजिल्यान्ड २ सय ९ रनले पछि छ ।

दोस्रो दिन न्युजिल्यान्डले ५१ ओभरमा १ सय ४४ रन बनाउन ४ विकेट गुमाएको अवस्थामा खेल सकिएको छ । तेस्रो दिन अर्थात शनिवार हेनरी निकोलस २६ र बिजे वाटलिङ ६ रनबाट खेल्ने छन् । ओपनर जित रावललाई ज्याक लेचले जो डेनलीबाट १९ रनमा क्याच आउट गराए । टम लाथमलाई साम करनले ८ रनमा एलवी डब्लू आउट गरे । साम करनलेनै कप्तान केन विलियम्सनलाई ५१ रनमा बेन स्टोक्सबाट क्याच आउट गराएपछि न्युजिल्यान्ड दबाबमा परेको हो । विलियम्सनले ८५ बलमा ७ चौका प्रहार गरे । रोश टेलरलाई स्टोक्सले २५ रनमा क्याच आउट गराएका थिए ।

शुक्रबार इंग्ल्यान्डले ९० ओभरमा २ सय ४१ रन जोड्न ४ विकेट गुमाएको अवस्थाबाट दोस्रो दिन थालेको थियो । इंग्ल्यान्ड १ सय २४ ओभरमा ३ सय ५३ रनमा अल आउट भयो । अलराउन्डर बेन स्टोक्स ९ रनले शतक बनाउन चुके । १ सय १ औं ओभरको पहिलो बलमा टिम साउथीले रोश टेलरबाट ९१ रनमा क्याच आउट गराएपछि शतक बनाउन चुकेका हुन् । स्टोक्सले १ सय ४६ बलमा १२ चौका प्रहार गरे । ओल्ली पोप २९, विकेटकीपर जस बटलर ४३, साम करन शून्य र जोफ्रा आर्चर ४ रनमा आउट भए । ज्याक लेच १८ रनमा नट आउट रहे ।

त्यसअघि पहिलो दिन डोम सिब्ले २२ रनको स्थितिमा कोलिन डी गा्रन्डहोमको शिकार भएपछि घरेलु टोली खेलमा फर्किएको थियो । सिब्ले इंग्ल्यान्डका लागि टेस्टमा डेब्यु गरिरहेका छन् । ओपनर रोरी बर्न्स १ सय ३८ बलमा ६ चौका सहित ५२ रनमा ग्रान्डहोमकै बलमा क्याचआउट भए । उनलाई ग्राण्डहोमले विकेटकीपर विजे वालटिङबाट क्याच आउट गराएका थिए। जो डेनली १ सय ८१ बलमा ८ चौका र १ छक्का सहित ७४ रनमा क्याच आउट भए ।

न्युजिल्यान्डका टिम साउथीले ३२ ओभरमा ७ मेडन सहित ८८ रन खर्चेर ४ विकेट लिए । निल वाग्रर ३, कोलिन डी ग्राण्डहोम २ र ट्रन्ट बोल्टले १ विकेट लिए ।