एजेन्सी – नेपाली लेग स्पिनर सन्दीप लामिछानेको टोली कर्नाटक टस्कर्स टि टेन लिगमा पुन पराजित भएको छ । विहीबार कर्नाटक कलन्दर्ससँग ३२ रनले पराजित भएको हो ।

जितका लागि १ सय ३१ रनको विशाल लक्ष्य पछ्याएको कर्नाटक १० ओभरमा ९ विकेट गुमाउँदै ९८ रनमा समेटियो । उसका जोनसन चाल्र्सले २४, शफिकउल्लाह शफिक १२, रोश व्हाइटली १५ र रयान टेन डेस्काटेले २५ रन जोड्न बाहेक अन्यले राम्रो प्रर्दशन गर्न सकेनन् । कर्नाटकका लागि ब्याटिङ गर्न आएका सन्दीपले अन्तिम ओभरमा लहिरु कुमाराको बलमा बोल्ड हुनुअघि ७ बलमा ५ रन जोडेका थिए । कलन्दर्सका सुल्तान अहमद र जर्ज गार्टनले समान २ विकेट लिए । लाहिरु कुमारा, मुजिव उर रहमान र क्रिस जोर्डनले समान १ विकेट लिए ।

त्यसअघि टस जितेर ब्याटिङ थालेको कलन्दर्सले १० ओभरमा ७ विकेट गुमाउँदै १ सय ३० रन बनाएको थियो । उसका ओपनर तथा विकेटकीपर टम ब्यान्टनले विश्फोटक ८० रन जोडे । सन्दीपले एलबी डब्लू आउट गर्नुअघि २८ बलमा ९ चौका र ६ छक्का प्रहार गरे । फिलिप साल्ट ११, लौरी इभान्स १७ र सुल्तान अहमदले १३ रन जोडे ।

पाँचौ ओभरमा सन्दीपले २२ रन खर्चेका थिए । सन्दीपलाई पाँच ओभरको पहिलो बलमा चौका, दोस्रो र तेस्रो बलमा इंग्ल्यान्डका युवा ओपनर खेलाडी टम ब्यान्टनले छक्का प्रहार गरे । चौथो र पाँचौ बलमा १-१ रन खर्चे । अन्तिम बलमा ब्यान्टनले चौका प्रहार गरेपछि महँगो सावित भएका थिए ।

सन्दीपले ७ औं ओभरमा उत्कृष्ट पुनरागमन गर्दै २ विकेट लिए । पहिलो बलमा इभान्सलाई १ र दोस्रो बलमा ब्यान्टनलाई २ रन दिए । तेस्रो बलमा ब्यान्टनले चौका प्रहार गर्दा चौथो बल डट राखे । पाँचौ बलमा सन्दीपले ब्यान्टनलाई ८० रनमा एलबी डब्लू आउट गराए । अन्तिम बलमा सन्दीपले टम कोहलर क्याडमोर शून्यमा बोल्ड आउट गरे । सम्रगमा सन्दीपले २ ओभरमा ३० रन खर्चेर २ विकेट लिए । अहमद राजा २, नाथन रिमिङटन र केस्रिक विलियमसले १-१ विकेट लिए ।

बुधबार मराठा अरिवेन्ससँग वर्षाको कारण खेल रद्ध भएको थियो । सोमवार डेस्कन ग्याडियटर्स र आइतबार बंगला टाइगर्ससँग समान ५ विकेटले पराजित भएको थियो । सोमवार पारस खड्का सम्मिलित टिम आबुधाबी र सन्दीपको टोली कर्नाटकबीच प्रतिस्पर्धा हुने छ ।