काठमाडौं (हाम्रो खेलकुद) – भारतको हैदराबादमा जारी यू१९ च्यालेन्जर एक दिवसिय सिरिजमा नेपालले आफ्नो अन्तिम खेलमा भारत सी विरुद्ध पहिला बलिङ गर्ने भएको हो ।

भारत सी ले टस जितेर पहिला ब्याटिङ गर्ने निर्णय लिएको छ । नेपालले टोलीमा आज दुई परिवर्तन गरेको छ । तीब्र गतिका बलर गौतम केसीको स्थानमा विवेक कुमार यादवलाई मौका दिएको छ । त्यस्तै भारत बी सँग डक आउट भएका अभिषेक बस्नेतको स्थानमा खडक बहादुर बोेहरालाई मौका पाएका छन् ।

लिग चरणमा तीनै खेल हारेर पुछारमा रहेको नेपालले तेस्रो स्थानको लागि भारत सीसँग प्रतिस्पर्धा गर्न लागेको हो । भारत सी ३ खेलमा २ मा हार र १ मा जित सहत तेस्रो स्थानमा रह्यो । शीर्ष स्थानमा रहेका भारत बी र भारत ए फाइनलमा भिड्दै छन् । नेपाल पहिलो खेलमा भारत सी साग १० विकेटले पराजित भएको थियो । दोस्रो खेलमा नेपाल भारत बी सँग २ विकेट र भारत ए सँग १ सय ७ रनले पराजित भएको थियो ।

नेपालको प्लेइङ ११ :

रित गौतम (कप्तान), लोकेश बम, सागर ढकाल, हरि बहादुर चौहान, विशाल विक्रम केसी, आकश चन्द, खडक बहादुर बोहरा, शेर मल्ल, कुशल मल्ल, तृतराज दास, विवेक कुमार यादव ।

भारत सी को प्लेइङ ११ :

अर्जुन ए अजाद, प्रदोश रञ्जन पल, श्रवात रावत, कुमार के कुशग्रा, सौरभ कुमार, शभांग समर्थ हेगडे, रवि रोशन राम एकबल सिंह, ब्रिकान्त सिंह, विद्यादर पटेल, अर्या सी सिट्टी र मुजतबा ए युसुफ ।