काठमाडौं (हाम्रो खलकुद) – भारतीय पूर्वकप्तान सचिन तेन्दुलकर र नेपाली राष्ट्रिय क्रिकेट टोलीका पूर्वकप्तान विनोद दासको टोलीबीच मैत्रीपुर्ण क्रिकेट हुने भएको छ ।

शनिबार टियु क्रिकेट मैदानमा हुने युनिसेफ नेपालले जनाएको छ । त्यसको खुसीमा विनोद दासले पनि एक ट्वीट गरेका छन् । सचिन सनिवार विहान नेपाल आउने छन् । विनोद दासले ट्विटमा भनेका छन्, ‘सपना पुरा भएको छ । २५ वर्षको प्रतिक्षा पुरा हुन अब केहि सेकेन्ड मात्र बाँकी छ ।’
सचिन युनिसेफका सद्धभावना दुत हुन् । विनोद दास पनि भारतबाट नेपाल आउने छन् । यू१९ च्यालेन्जर्स सिरिजको लागि विनोद भारतको हैदरावादमा रहेका छन् ।

A dream is about to be fulfilled.. The wait of almost 25 years is about to be over and it’s worth every second…#milliondreams #GodOfCricket

— Binod Das (@binodsum) November 15, 2019

त्यस्तै युनिसेफ नेपालले आफ्नो आधिकारी फेसबुकमा एक पोष्ट गरेको छ । उक्त पोष्टमा बालअधिकार सम्वन्बी महासन्धी पारित भएको ३० वर्ष पुरा भएको उपलक्ष्यमा मैत्रीपूर्ण क्रिकेट आयोजना गर्न लागको छ । युनिसेफले टियु क्रिकेट मैदानमा शनिवार पानीको बोतल, हेलमेट, धारिला सामग्री र भारी झोला निषेध गरिने जनाएको छ । टियु क्रिकेट मैदान विहान ९ बजेसम्म गेट खुल्ला हुने पनि जनाएको छ ।

भारतमा सचिनलाई क्रिकेटको भगवान मान्ने गर्दछन् । विश्व क्रिकेटमा वनेका अधिकांश क्रिकेटका कीर्तिमान सचिनकै नाममा छन् । सचिन विश्व क्रिकेटकै सर्वाधिक सफल खेलाडी मानिन्छन् ।