काठमाडौं (हाम्रो खेलकुद) – आगामी संस्करणको इन्डियन प्रिमियर लिग (आईपीएल) को लागि दिल्ली क्यापिटल्सले टोलीमै रहने र फुकुवा गर्ने खेलाडीको सुची सार्वजनिक गरेको छ । यसक्रममा दिल्लीले नेपाली लेग स्पिनर सन्दीप लामिछानेलाई अर्को सिजन खेल्ने टोलीमा सामेल गरेको छ ।

दिल्लीले सन्दीपसहित कप्तान श्रेयस ऐर, ओपनर पृथ्वी शा, शिखर धवन, विकेटकीपर ऋषभ पन्त र इशान्त शर्मालाई टोलीमा राखेको छ । त्यस्तै लग स्पिनर अमित मिश्रा, तीव्र गतिका बलर कागिसो रबाडा, आभेष खान, किमो पल, अक्षर पटेल र हर्ष पटेललाई पनि समेटेको छ । दिल्लीले यसै सिजन रविचन्द्रन आश्विन र अजिंक्या रहाणेलाई किनेको थियो । दिल्लीले तीन विदेशी खेलाडीलाई मात्र निरन्तरता दिएको हो ।

दिल्लीले जलज सक्सेना, अंकुश बैंस, नाथू सिंह र बंडारू अयप्पालाई  फुकुवा गरेको छ । दिल्लीले न्युजिल्यान्डका ओपनर कोलिन मुनरो, कोलिन इनग्राम, भारतीय अलराउन्डर हनुमा विहारी र युवा ओपनर मनजोत कालरालाई पनि अर्को सिजनका लागि टोलीमा राखेन । दक्षिण अफ्रिका अलराउन्डर क्रिस मोरिसलाई पनि टोलीमा सामेल भएनन् । आईपीएलको आगमी अक्सन आगमी पुष ३ मा हुँदैछ  ।

ट्रेन्ट बोल्टलाई दिल्लीले मुम्बई इन्डियन्सलाई बेचेको छ । रहाणेलाई टोलीमा भित्र्याउने दिल्लीले दुई लेग स्पिनर राहुल तेबतिया र मयंक मारकन्डेलाई राजस्थान रोयल्सलाई बेचेको थियो ।

यो पनि पढ्नुहोस : दिल्लीले बेच्यो दुई लेग स्पिनर, सन्दीपलाई फाइदा !