काठमाडौं(हाम्रो खेलकुद) – १३ औं दक्षिण एसियाली सागको लागि नेपाली महिला राष्ट्रिय क्रिकेट टोलीको घोषणा भएको छ विहीबार रुविना क्षेत्री बेलवासेको कप्तानीमा १५ सदस्य टोली घोषणा भएको हो ।

घोषणा टोलीमा वुमन्स च्याम्पियन्स लिग(डब्लूसिएल)मा उत्कृष्ट अलराउन्डर प्रर्दशन गरेकी सुमन खतिवडा(शान्ती) ले पहिलो पटक टोलीमा स्थान बनाएकी छिन् । अन्य भने नेपाली टोलीमा पुरानै अनुहार रहेका छन् ।

महिला टोलीका प्रशिक्षक जगत बहादुर टमटा, राष्ट्रिय खेलकुद परिषद(राखेप) का प्रशिक्षक श्यामसन जंग थापा र राखेपका समन्वय समितीका सदस्य सुमन राजकार्कीको टोलीले टोलीले खेलाडी छनोट गरेको हो ।

खेलाडीको प्रर्दशन, अुनशासन, विगतमा अन्तर्राष्ट्रिय स्तरमा गरेको प्रर्दशन, फिटनेश र खेलाडीको धारणालाई लिएर टोली घोषणा गरेको छनोट समितीले जनाएको छ । साग मंसिर १५ देखी २४ सम्म काठमाडौं र पोखरामा चल्ने छ । महिला टोलीले पोखरामा प्रतिस्पर्धा गर्ने छ ।

सागको लागि महिला टोली

रबिना क्षेत्री बेलबासे(कप्तान), सिता राना मगर, इन्दु बर्मा, काजल श्रेष्ठ, करुणा भण्डारी, अप्सरी बेगम, सोनु खड्का, ममता चौधरी, सरस्वती चौधरी, अन्जली चन्द, सरिता मगर, सुमन खतिवडा (शान्ति), रोमा थापा, डलि भट्ट र कविता कुँवर ।