काठमाडौं (हाम्रो खेलकुद) – युवा खेलाडी विशाल विक्रम केसीले यू१९ च्यालेन्जर सिरिजमा भारत ए विरुद्ध अर्धशतक पुरा गरेका छन् ।

खराब ब्याटिङ गरिरहेको नेपालका लागि विशालले ८४ बलमा ८ चौका सहित ५१ रनमा खेलि रहेका छन् । भारतीय यू१९ ए टोलीले प्रस्तुत गरेको २ सय ४८ रनको लक्ष्य पछ्याएको नेपालले २७ ओभरमा ८३ रन जोड्न ६ विकेट गुमाएको छ । शीर्षक्रमका ६ ब्याट्सम्यान मध्य ३ ले दोहोरो अंक छुन नसक्दा ३ डक आउट भएका छन् ।

पहिलो ओभरको चौथो बलमै कप्तान रित गौतम ५ रनमा रन आउट भए । दुई बलपछि दशरथ कुमारले लोकेश बमलाई शून्यमा एलवी डब्लू आउट गरेपछि नेपालले पहिलो ओभरमै दुई ओपनरलाई गुमाएको थियो । आठौं ओभरको दोस्रो बलमा खडक बहादुर बोहरा ३ रनमा एलवी डब्लू आउट भए ।

नितेश कुमार रेड्डीले १६ ओभरको चौथो बलमा अरुण ऐरीलाई ७ र पाँचौ बलमा कुशल मल्ललाई शून्यमा पेभिलिएन फर्काएपछि नेपाल संकटमा परेको छ । १९ ओभरको चौथो बलमा हरि बहादुर चौहान शून्यमा आउट भए । शेर मल्ल २४ बलमा २ चौका सहित १२ रनमा खेलि रहेका छन् ।

त्यस अघि राजिव गान्धी इन्टरनेशल स्टेडियममा टस हारेर ब्याटिङ थालेको भारत ए ले ४८.२ ओभरमा अल आउट हुँदै २ सय ४७ रन बनाएको थियो ।