एजेन्सी – नेपाली यू१९ टोलीले हैदराबादमा जारी यू१९ च्यालेन्जर एक दिवसिय सिरिजमा भारत ए विरुद्ध राम्रो सुरुवात गरेको छ ।

राजिव गान्धी इन्टरनेशनल क्रिकेट स्टेडियममा टस हारेर ब्याटिङको निम्तो पाएको भारत ए ले २८ ओभरमा ५ विकेट गुमाउँदै १ सय ३० रन बनाएको छ । गत महिना लिष्ट ए मा दोहोरो शतक प्रहार गर्ने ओपनर यशस्वी जैसवालले आक्रमक ब्याटिङ गर्दै राम्रो सुरुवात दिलाए । जैशवालले २७ बलमा ५ चौका र २ छक्का सहित ३३ रन जोड्दै नेपाली बलरलाई दबाबमा राखेका थिए । आकाश चन्दले सातौ ओभरको पाँचौ जैसवाललाई बलमा बोल्ड आउट गर्दै पेभिलिएन फर्काए । पहिलो विकेटका लागि जैशवाल र साई सुर्दशनले ३९ रनको साझेदारी गरेका थिए ।

१२ ओभरको अन्तिम बलमा हरि बहादुर चौहानले जय गोहिललाई ७ रनमा बोल्ड आउट गरे । गोहिलले १४ बलमा १ चौका प्रहार गरे । २० औं ओभरको चौथो बलमा अर्जुन प्रर्साद मुर्थीलाई १३ रनमा शेर मल्लले विकेटकीपर खडक बहादुर बोहाराबाट स्टम्पिङ आउट गराउँदै पेभिलिएन फर्काए ।

ओपनर साई सुर्दशन २१ ओभरको दोस्रो बलमा ३४ रनमा रन आउट भए । लोकेश बलमे रन आउट गराउनु अघि उनले ६३ बलमा ३ चौका प्रहार गरे । २६ ओभरको पहिलो बलमा समिर राजिवीलाई शेर मल्लले आकश चन्दबाट क्याच गराउँदै १६ रनमा आउट गराएका छन् । उनले १५ बलमा १ चौका प्रहार गरे । भारत ए का कप्तान धुब्र चन्द जुरेल २० र नितेश कुमार रेड्डी ३ रनमा खेलि रहेका छन् ।

नेपालका लागि आकश चन्दले ६ ओभरमा ११ रन खर्चेर १ विकेट लिएका छन् । प्रतिस जिसीले ४ ओभरमा ३७ रन खर्चेका छन् । शेर मल्लले ५ ओभरमा २६ रन खर्चेर २ विकेट लिएका छन् । हरि बहादुर चौहानले ५ ओभरमा २९ रन खर्चेर १ विकेट लिएका छन् ।