काठमाडौं (हाम्रो खेलकुद) – नेपाली यू१९ टोलीले भारतको हैदराबादमा जारी यू१९ एकदिवसिय च्यालेन्जर ट्रर्फिमा भारत ए सँग खेल्दै छ । खेल नेपाली समय अनुसार ९:१५ बाट राजिव गान्धी इन्टरनेशनल स्टेडियम हैदराबादमा सुरु हुने छ ।

भारत सी सँग १० विकेटले पराजित भएको नेपाल पहिलो जितको खोजिमा हुने छ । यता भारत ए पनि पहिलो जितको खोजिमा छ । पहिलो खेलमा भारत ए भारत बी सँग ६ विकेटले पराजित भएको थियो । भारत ए मा पछिल्लो समय निकै चर्चाको शिखरमा रहेका १७ वर्षिय युवा ओपनर यशस्वी जैशवाल मुख्य हतियार हुन् । १७ वर्षिय ओपनर जैशवालले विजय ट्रर्फिमा मुम्बइबाट झारखण्डविरुद्ध २ सय ३ रन बनाउदै सनसनी मच्चाएका थिए । धुब्र चन्द जुरेलले भारत ए को कप्तानी गर्ने छन् । त्यस्तै भारत बी बिरुद्ध ९९ रन बनाएका जय राजुभाई गोहिल पनि नेपाललाई घातक बन्न सक्छन् ।

नेपाल पहिलो खेलमा भारतीय सी सँग १ सय १६ रनमा अल आउट भएको थियो । नेपालका कुनै पनि खेलाडीले ठूलो इनिङ खेल्न सकेका थिएनन् । कुशल मल्लले बनाएको २६ रन नै उच्च स्कोर थियो । आज शीर्षक्रमका ब्याट्सम्यान कप्तान रित गौतम, लोकेश बम, खडक बहादुर बोहरा, हरि बहादुर चौहान र अरुण ऐरीमाथि ठूलो इनिङ खेल्न दबाब छ ।

तल्लोक्रममा कुशल मल्ललाई छाड्दा आकाश चन्द र शेर मल्ल पनि ठूला सट प्रहार गर्न सक्ने क्षमता राख्छन् । पहिलो खेलमा नेपालको बलिङ विकेटविहीन बनेको थियो । नेपालले स्पिनरमा सागर ढकाल र तिलक राजभण्डरी तथा तीब्र गतिमा आकश र प्रतिश जिसीलाई निरन्तरता दिने संभावना देखिन्छ । टोलीमा परिवर्तनको संभावना न्युन देखिन्छ ।

नेपाली टोली :

रित गौतम (कप्तान), लोकेश बहादुर बम, तृतराज दास, विशाल विक्रम केसी, खडक बहादुर बोहरा, अभिषेक बस्नेत, हरि बहादुर चौहान, अरुण ऐरी, कुशल मल्ल, विवेककुमार यादव, सागर ढकाल, तिलक राज भण्डारी, शेर मल्ल, आकाश चन्द, प्रतिस जि.सी र गौतम केसी

भारतीय यू१९ ए टोली :

धुब्र चन्द्र जुरेल(कप्तान तथा विकेटकीपर), यशस्वी जैशवाल, साई सुदर्शन, जय राजुभाई गोहिल, समिर रिजवी, अर्जुन मुर्थि, नितेश कुमार रिड्डी, कृतिज्ञा कुमार सिंह, अमन बदोरिया, ऋषभ बन्साल, पुर्णांक त्यागी,दशरथ कुमार, अन्कित रेड्डी, प्रिन्स यादव र देबोप्रतिम हल्दार