काठमाडौं (हाम्रो खेलकुद) – नेपाली मिश्रीत टोलीले मेरिलोबोन क्रिकेट क्लब (एमसीसी) सँग आज टि ट्वान्टी क्रिकेट खेल्दैछ ।

यू१९ र सिनियर गरि नेपालको मिश्रीत टोलीले एमसीसीको सामना गर्ने छ । खेल ११ बजेबाट टियु क्रिकेट मैदानमा सुरुहुने छ । सिनियर टोलीका प्रशिक्षक उमेश पटवालको अनुसार नेपाली टोलीको कप्तानी युवा खेलाडी रोहित कुमार पौडेलले गर्ने छन् । आजको खेलमा सिनियर टोलीका ठूला नाम देखिने छैन ।

राष्ट्रिय टोलीका कप्तान ज्ञानेन्द्र मल्लले एकदिवसिय र प्रथम श्रेणीमा मैका नपाएका खेलाडीलाई मौका दिने बताएका छन् । आज ज्ञानेन्द्र सहित, सोमपाल कामी, करण केसी, सन्दीप लामिछाने, शरद भेषवकर लगायतका खेलाडी खेल्ने छैनन् ।

आजको खेलमा रोहितसँगै अमित श्रेष्ठ , सन्दीप जोरा, अभिनास बोहोरा, कमलसिंह ऐरी, नन्दन यादव,कुशल भुर्तेल, सुसन भारी र राशिद खान लगातका खेलाडी खेल्ने छन् ।

एमसीसीको टोलीमा भने कुनै परिवर्तन हुने छैन । नेपाली सिनियर र यू१९ टोलीसँग खेलेको टोलीनै उत्रने छ । उसका ओपनर विल रोड्स, बिडी गोडलम्यान, माइल्स हामान्ड, आसिर अराफात, टम वेस्ट्ली, एलेक्स थम्पसन,ओलिभर डल्बी र एड योङको लयलाई रोक्न युवा खेलाडीलाई चुनौती हुने अनुमान गरिएको छ ।

नेपाली यू१९ टोली एमसीसीसँग ३८ रनले पराजित भएको थियो । सिनियर टोलीले एकदिवसिय खेलमा ५ विकेटले हराएको थियो । प्रथम श्रेणीमा भने नेपाल एमसीसीसँग २ सय ८ रनको फराकिलो अन्तरले पराजित भएको थियो ।

इमर्जिङ कपको लागि नेपाली टोली : ज्ञानेन्द्र मल्ल(कप्तान), दीपेन्द्र सिंह ऐरी, शरद भेषवकर, सोमपाल कामी, करण केसी, विनोद भण्डारी, रोहित कुमार पौडेल, ललित नारायण राजवंशी, पवन सरार्फ, सन्दीप जोरा, सुसन भारी, इशान पाण्डे, मोहम्मद आरिफ शेख, अभिनाश बोहोरा र कुशल भुर्तेल ।