एजेन्सी – डेविड मलानको शतक र इओन मोर्गनको विश्फोटक ब्याटिङमा इंग्ल्यान्डले पाँच टि ट्वान्टी सिरिज अन्तर्गत चौथो खेलमा न्युजिल्यान्डलाई २ सय ४२ रनको कीर्तिमानी विशाल लक्ष्य दिएको छ ।

टस हारेर ब्याटिङ थालेको इंग्ल्यान्डले निर्धारित २० ओभरमा ३ विकेट गुमाउँदै २ सय ४१ रन बनायो । जुन इंग्ल्यान्डले टि ट्वान्टीमा बनाएको उच्च योगफल समेत हो ।

इंग्ल्यान्डका डेविड मलानले आफ्नो टि ट्वान्टी आई करिअरको पहिलो शतक प्रकार गरे । विश्फोटक ब्याटिङ गरेका मलान ५१ बलमा ९ चौका र ६ छक्का सहित १ सय ३ रनमा अविजित रहे । उनले १८ ओभरको अन्तिम बलमा ट्रेन्ट बोल्टलाई छक्का हान्दै आफ्नो पहिलो टि ट्वान्टी शतक पुरा गरेका थिए ।

कप्तान इओन मोर्गनले पनि विश्फोटक ब्याटिङ गर्दै ४१ बलमा समान ७ चौका र छक्का सहित ९१ रनमा क्याच आउट भए । साउदीले मोर्गनलाई अन्तिम ओभरको चौथो बलमा मिचेल सान्टनारबाट क्याच आउट गराएका थिए । तेस्रो विकेटका लागि मोर्गन र मलानले १ सय ८२ रनको साझेदारी गर्दै विशाल योगफल सम्म पुर्याए । जुन टि ट्वान्टीमामा इंग्ल्यान्डका ब्याट्सम्यानले गरेको कुनै पनि विकेटका लागि गरेको उच्च साझेदारी समेत हो ।

ओपनर टम ब्यान्टन ३१ र जोनी बेयरस्टो ८ रनमा आउट भए । इंग्ल्यान्डका मिचेल सान्टनारले २ तथा टिम साउथीले १ विकेट हात पारे ।