एजेन्सी – किंग्स इलेभेन पन्जाबका कप्तान तथा भारतीय सफल स्पिनर रविचन्द्रन आश्विन इन्डियन प्रिमियर लिग(आईपीएल) आगामी संस्करणका लागि दिल्ली क्यापिटल्समा आबद्ध भएका छन् ।

लामो समय देखि आश्विनलाई भित्र्याउन दिल्लीले प्रयास गरिरहेको थियो । केहि समय अघि दिल्ली नजाने मनासय बनाएका आश्विन अन्तत: जाने निर्णय लिएका हुन् । चार लेग स्पिनर रहेको दिल्लीमा अफ स्पिनर आश्विनको आगमनले टोलीमा सन्तुलन हुने अनुमान गरिएको छ । दिल्लीमा सन्दीप लामिछाने सहित मंयक मारकन्ड,अमित मिश्रा र राहुल तेवतिया गरि दिल्लीकामा चार लेग स्पिनर रहेका छन् ।

आईपीएलको अक्सन आगमी डिसेम्बर १९ मा कोलकतामा हुँदै छ । त्यसअघि नै दिल्लीले आश्विनलाई भित्र्याएको हो । योसँगै दिल्लीले चार मध्य दुई लेग स्पिनरलाई रिलिज गर्न सक्ने संभावना बढेको छ । केहि समय अघि वेस्ट इन्डिजका अलराउण्डर शरफेन रदरफोर्डलाई मुम्बईमा पठाउँदै मारकन्डेलाई टोलीमा भित्र्याएको थियो ।

आश्विन दिल्ली गएसँगै पञ्जावको कप्तान केएल राहुल बन्न सक्ने संभावना रहेको भारतीय मिडियाले जनाएका छन् । आईपीएलको अक्सन अघि सबैभन्दा बढि खर्च गर्न पाउने रकम सन्दीप सम्मिलित दिल्लीसँगनै रहेको छ । दिल्लीसँग ७.७ करोड भारतीय रुपैंया रहेको आईपीएल सञ्चालन परिषदले जनाएको छ । सन् २०१८ मा २० लाख भारतीय रुपैंयामा तीन बर्षको लागि अनुबन्ध भएका सन्दीपको दिल्लीसँग यो संस्करणनै अन्तिम हुने छ ।

सन् २०१८ मा ३ खेलमा मात्रै मौका पाएका सन्दीपले ५ विकेट लिएका थिए । गएको संस्करणमा ६ खेल खेल्दा अन्य सबैमा बेन्च बस्नु परेको थियो । गत संस्करणमा सन्दीपले ६ खेलमा ८ विकेट लिएका थिए ।

यो पनि पढ्नुहोस् : दिल्लीले रिलिज गर्न सक्ने ५ स्टार खेलाडी