काठमाडौं (हाम्रो खेलकुद) – नेपाली सिनियर टोलीविरुद्ध मेरिलेबोन क्रिकेट क्लब(एमसीसी) ले मध्यम प्रर्दशन गरिरहेको छ । टियु क्रिकेट मैदानमा टस जितेर ब्याटिङ थालेको एमसीसीले ३२ ओभरमा १ सय ७९ रन बनाउँदा ६ विकेट गुमाएको छ ।

एमसीसीका लागि ओपनर बिली गोडलम्यान ५२ रनमा आउट भए । ११ औं ओभरको तेस्रो बलमा पवन सरार्फले आरिफ शेखबाट क्याच गर्नु अघि बिलीले ६ चौका र २ छक्का प्रहार गरे । पहिलो विकेटका लागि विल रोड्स र बिली गोडलम्यानले १०.३ ओभरमा ७३ रनको साझेदारी गर्दै राम्रो सुरुवात दिलाएका थिए । ललित नारायण राजवंशीले टम वेस्टलीलाई १९ ओभरको दोस्रो बलमा १० रनमा बोल्ड आउट गर्दै नेपाललाई दोस्रो सफलता दिलाए ।

२७ औं ओभरको अन्तिम बलमा ललितले रोड्सलाई ५४ रनमा क्याच आउट गराउँदै नेपाललाई खेलमा फर्काउन खोजेका छन् । रोड्सले २२ ओभरको अन्तिम बलमा बिक्रम शोबलाई चौका प्रहार गर्दै अर्धशतक पुरा गरेका थिए । रोड्सले ४ चौका प्रहार गरे । रोड्स दुई पटक जीवनदान पाएका थिए ।

अभिनासले २८ औं ओभरको चौथो बलमा विल भानडरसपारलाई आरिफ शेखबाट ३६ रनमा क्याच आउट गराए । उनले ३ चौका र २ छक्का प्रहार गरे । २९ ओभरको पाँचौ बलमा ललितले विकेटकीपर विनोद भण्डारीबाट स्टम्पिङ आउट गराउँदै ३ रनमा पेभिलिएन फर्काएका छन् । कप्तान जिमी एडम्स १० रन जोड्दै पवनको बलमा बोल्ड भए । क्यालम ज्याक्सन ५ रनमा खेलि रहेका छन् । नेपालका ललित नारायण राजवंशीले ३, पवन सर्राफले २ तथा अभिनाष बोहोराले  विकेट लिइसकेका छन् ।