काठमाडौं (हाम्रो खेलकुद) – सगरमाथा क्रिकेट क्लब, मेलबर्नको आयोजनामा अष्ट्रेलियामा जारी रिचा स्मृति क्रिकेट प्रतियोगिताको तेस्रो आइतबार अन्तर्गत आजको खेलमा,रोयल राइनोज क्रिकेट क्लब,सगरमाथा क्रिकेट क्लब ए,हिमालयन क्रिकेट क्लब र गोर्खाली क्रिकेट क्लब विजयी भएका छन् ।

रोयल राइनोज क्रिकेट क्लब (आरआरसीसी) ले सगरमाथा क्रिकेट क्लब बी लाई ६० रनले हरायो । टस जितेर पहिला ब्याटिङ थालेको आरआरसीसीले निर्धारित २० ओभरमा ६ विकेट गुमाउँदै १ सय ६९ रन बनाएको थियो । उसका लागि निरज श्रेष्ठले ४७,उत्सव ४४ र मोहनले ४२ रन जोडे । भुषण श्रेष्ठ र आशिषले समान ३ विकेट लिए ।

१ सय ७० रनको लक्ष्य पछ्याएको सगरमाथा बी ले निर्धारित २० ओभरमा ६ विकेट गुमाउँदै १ सय ९ रन बनायो । उसका लागि आशिषले ५५ र नविनले १५ रनको योगदान दिए । पुकारले ३ र निरजले १ विकेट हात पारे ।

त्यस्तै अर्को खेलमा सगरमाथा क्रिकेट क्लब ए ले नार्रे किंग्सलाई ८ विकेटले हरायो । टस जितेर ब्याटिङ थालेको नार्रेले १८.३ ओभरमा अल आउट हुँदै ६९ रनमा समेटिएको थियो । उसका अनुपले ३३ र किरणले ८ रन जोडे । सगरमाथा ए का कुशल तुलाधार र राजकुमार गुरुङले समान ४ विकेट लिए । ७० रनको लक्ष्य सगरमाथा ए ले ८ ओभरमा २ विकेट गुमाउँदै पुरा गर्यो । उसका आशिषले ३२,अभिनाश १८ र दिनेशले १२ रन जोडे ।

गोर्खाली क्रिकेट क्लबले आरआरसीसी बी लाई २ रनले हरायो । टस जितेर ब्याटिङ थालेको गोर्खालीले निर्धारित २० ओभरमा ९ विकेट गुमाउँदै १ सय ४१ रन बनाएको थियो । उसका अनिल २५ र बिमले १५ रन जोडे । बिदुर र विश्वासले समान ३ विकेट लिए । १ सय ४२ रनको विजयी लक्ष्य पछ्याएको आरआरसीसी बी निर्धारित २० ओभरमा ५ विकेट गुमाउँदै १ सय ३९ रन बनायो । बिदुर ३७,सन्देश ३५,मनोज २४ आयुष १९ रन जोडे । त्यस्तै अर्को खेलमा हिमालयन क्रिकेट क्लबले एक्स्पर्ट क्रिकेट क्बललाई पराजित गरेको थियो ।

चौथो चरणको खेल अर्को आइतबार हुनेछ । समुह चरणका शीर्ष २ टोली सेमिफाइनलमा प्रवेश गर्नेछन् । फाइनल खेल १७ नोभेम्बरमा हुनेछ । प्रतियोगिता क्यानका पूर्व उपाध्यक्ष नरेश श्रेष्ठकी छोरी रिचा श्रेष्ठको स्मृतिमा आयोजना गरिएको हो ‌। उनको केहि महिनाअघि निधन भएको थियो ।