एजेन्सी – भारतले बंगलादेशसँग हुने तीन टि ट्वान्टी सिरिजको लागि ओपनर रोहित शर्माको कप्तानीमा टोली घोषणा गरेको छ । बिहीबार भारतीय क्रिकेट कन्ट्रोल बोर्ड(बीसीसीआई) ले घोषणा टोलीमा नियमीत कप्तान विराट कोहली टोलीमा छैनन् । कोहलीलाई विश्राम दिएको जनाईएको छ ।

विकेटकिपर सन्जु स्यामसनले ४ वर्षपछि पुनारागमन गरेका छन् । ऋषभ पन्तको विकल्पको रुपमा हेरिएका सन्जुले सन् २०१५ मा जिम्बावेविरुद्ध डेब्यू गरेपनि त्यस यता भारतीय टोलीमा स्थान बनाउन सकेका छैनन् । आईपीएलमा सन्जुको प्रर्दशन उत्कृष्ट रहँदै आएको छ ।

ऋषभ पन्त खराब सट प्रहार गर्दै गैरजिम्मेवार रुपमा आउट हुँदा उनको विकल्पको रुपमा सन्जुको चर्चा चल्ने गर्दछ । त्यस्तै हिटर तथा अलराउन्डर शिवम् दुबेले पहिलो पटक भारतीय टि ट्वान्टी टोलीमा परेका छन् । स्टार अलराउन्डर हार्दिक पान्ड्या पनि टोलीमा छैनन् ।

भारत र बंगलादेशबीच पहिलो टि ट्वान्टी खेल कात्तिक १७ गतेमा दिल्लीमा हुने छ । दोस्रो टि ट्वान्टी खेल कात्तिक २१ गते राजकोटमा हुने छ । तेस्रो तथा अन्तिम टि ट्वान्टी खेल कात्तिक २४ गते  नागपुरमा हुने छ । त्यस्तै कात्तिक २८  गते सुरु हुने दुई टेष्टको लागि भारतले विराट कोहलीको कप्तानीमा टोली घोषणा गरेको छ ।

भारतीय टि ट्वान्टी टोली – रोहित शर्मा (कप्तान),शिखर धवन,केएल राहुल,सन्जु स्यामसन,श्रेयस ऐर,मनिष पाण्डे,ऋषभ पन्त,वाशिन्टन सुन्दर,क्रुनाल पाड्या,युजभेन्द्र चाहल,राहुल चहर,दीपक चहर,खलिल अहमद,शिवम् दुबे,शार्दुल ठाकुर ।

भारतीय टेष्ट टोली – विराट कोहली,रोहित शर्मा,मयंक अग्रवाल,चेतेश्वर पुजारा,अजिंक्या रहाणे,हनुमा विहारी,रिद्धीमान शाह,रविन्द्र जडेजा,रविचन्द्र आश्विन,कुलदीप यादव,मोहम्मद शामी,उमेश यादव,इशान्त शर्मा,शुवमन गिल,ऋषभ पन्त ।