चितवन (हाम्रो खेलकुद) – हाँस्य कलाकार तथा सामाजिक अभियन्ता धुर्मुस–सुन्तलीको फाउन्डेसनले बनाउने अन्तर्राष्ट्रिय क्रिकेट रंगशालाको निमार्णकार्य सुरु भएको छ । बुधबार डीपीआर (विस्तृत परियोजना प्रतिवेदन) सार्वजनिक गरेको फाउन्डेसनले विहीबार देखीनै निमार्णकार्य सुरु गरेको जनाएको छ ।

सुरुमा मैदानमाको भाग समाउने कार्य हुने छ । कमलको फुलसँगै नेपालीपन झल्कने गरि आधुनिक तवरको बन्ने रंगशालाको प्रवेश द्वारमा गौतम बुद्धको शालिक निर्माण गरिने छ । भित्रि भागमा परम्परागत तथा कलात्मक शैली झल्कने गरि रंगशाला निर्माणका लागि नक्साङ्कन गरिएको छ ।

सरकारले कर छुट गराउन सकेमा रंगशाला तयार गर्न रु २ अर्ब ६० करोड हाराहारी खर्च हुने अनुमान गरिएको छ । फाउन्डेसनले रंगशालाका लागि बोलकबोलको रकम रु ७ करोड मध्ये रु १ करोड र नबोलीकनै सोझै रु २ करोड संकलन भएको जनाएको छ।

हालसम्म रंगशाला क्षेत्रलाई जस्ताले बार्ने , निर्माण गर्दा आवश्यक पर्ने मजदुर बस्ने हल, कार्यालय निर्माण, कर्मचारी आवासगृह, गोदाम घर, सुरक्षाकर्मी बस्ने घर बनि सकेका छन् । रंगशाला २५ हजार दर्शकहरु अट्ने क्षमता हुने छ।

चितवनको रामपुरमा रहेको २० बिघा ६ कठ्ठा जमिनमा रंगशाला निर्माण गर्न लागिएको हो । समयमा रकम जुटाउन सकेमा २२ महिना भित्रमा रंगशला तयार हुने फाउण्डेशनले जनाएको छ ।