काठमाडौं (हाम्रो खेलकुद) – वुमन्स च्याम्पियन्स लिग टि२० क्रिकेट प्रतियोगिता अन्तर्गत शनिवारको दोस्रो खेलमा चितवन राइनोजले विराटनगर टाइटन्सलाई १ सय २३ रनको मध्यम लक्ष्य दिएको छ ।

टियु क्रिकेट मैदानमा टस जितेर पहिला ब्याटिङ थालेको चितवनले निर्धारित २० ओभरमा ८ विकेट गुमाउँदै १ सय २२ रन बनायो ।ओपनर कञ्चन श्रेष्ठ ३४ रनको योगदान दिइन् । डोली भट्टले १३ ओभरको अन्तिम बलमा डाइरेक्ट थ्रो गर्दै रन आउट गर्नुअघि ४१ बलमा ६ चौका प्रहार गरिन् । आरती बिडारीले १६ ओभरको चौथो बलमा विकेटकीपर ज्योती पाण्डेबाट क्याच आउट गराउनु अघी

काजल श्रेष्ठले ४६ बलमा २ चौका सहित ३६ रनमा आउट भइन् । पहिलो विकेटको लागि काजल र कञ्चनले १३ ओभरमा ६९ रनको साझेदारी गरेपनि मध्यक्रम र तल्लोक्रममा निरन्तर विकेट गुमेपछि मध्यम योगफलमै समेटिएको हो ।

सुमन खतिवडा १० रनमा बोल्ड आउट भइन् । रितु कनौजिया ५ रनमा रन आउट भइन् । सबनम राइले प्यारी चौधरीलाई १८ औं ओभरको पाँचौ बलमा शून्यमा बोल्ड गरिन् । रेखा रावललाई शर्मीला रोका मगरले शून्यमा एलवी डब्लू आउट गर्दै पेभिलिएन फर्किन् । कप्तान इन्दु बर्मा १५ बलमा २ चौका सहित १७ रनमा अविजित रहिन् ।

विराटनगरकी सबनम राईले २, शर्मीला राना मगर,आरती बिडारी र सोनु खड्काले समान १ विकेट लिए ।