एजेन्सी – दक्षिण अफ्रिकाविरुद्धको दोस्रो टेष्टमा भारतले ५ विकेटको क्षतिमा ६ सय १ रन बनाउँदै इनिङ्स समाप्तीको घोषणा गरेको छ । टोलीका कप्तान विराट कोहलीले यादराग इनिङ्स खेलेका छन् । उनले अविजित २ सय ५४ रन जोडे । रविन्द्र जडेजाको विकेट पतन भएपनि कोहलीले इनिङस समाप्तीको घोषणा गरेका थिए ।

३ विकेटको क्षेतिमा २ सय ७३ रनबाट भारतले दोस्रो दिनको खेल अघि बढाएको थियो । केवश महराजको बलमा चौका प्रहार गर्दै कोहलीले २ सय ५० रन पुरा गरेका थिए । टेष्ट क्रिकेटमा २ सय ५४ उनको अहिले सम्मकै उच्च स्कोर हो । टेष्ट क्रिकेटमा यो उनको सातौं दोहोरो शतक हो । टेष्ट क्रिकेटमा २६ औं शतक पुरा गरेका कोहलीले ७ हजार रन पुरा गरेका छन् ।

कोहली र शतक बनाउनबाट ९ रनले चुकेका जडेजाले छैटौं विकेटका लागि २ सय २५ रनको साझेदारी गरेका थिए । त्यसअघि अजिन्के रहाणे र कोहलीले पाँचौं विकेटका लागि १ सय ७८ रनको साझेदारी गरेका थिए । रहाणे ५९ रनमा आउट भए । १ सय ४ बल खेलेका जडेजाले ८ चौका र २ छक्काको सहयोगमा ९१ रन बनाए ।

त्यस्तै कोहलीले ३ सय ३६ बलमा ३३ चौका र २ छक्का प्रहार गरेका थिए । अघिल्लो दिन ओपनर मंयक अग्रवालले शतक (१०८) र चेतेश्वर पुजाराले अर्धशतक (५८) रन बनाएका थिए । अर्का ओपनर रोहित शर्मा १४ रनमा आउट भएका थिए । दक्षिण अफ्रिकाको लागि कागिसो राबाडाले ३, अन्रिच नोर्टजी र महाराजले समान १ विकेट लिए । दक्षिण अफ्रिकाले शुक्रबार नै ब्याटिङ सुरु गरेको छ ।