एजेन्सी – जिम्बावेले नेपाल र सिंगापुरसँगको त्रिकोणात्मक सिरिज जितेको छ । अन्तिम खेलमा घरेलु टोली सिंगापुरलाई ८ विकेटले पराजित गर्दै जिम्बावेले उपाधि जितेको हो । १ सय ६८ रनको विजयी लक्ष्य पछ्याएको जिम्बावेले १८.४ ओभरमा २ विकेट गुमाउँदै पुरा गर्यो ।

जिम्बावेको जितमा ओपनर पिटर मुरले ६० बलमा ९ चौका र ६ छक्का सहित ९२ रनमा अविजित रहँदै टोलीको सहज जित पक्का गरे । त्यस्तै टोनी मनयोंया ४४,कप्तान सेन विलियम्स ११ र रेजिस चकवाले ६ रन जोडे । सिंगापुरका टिम डेविड र जनक प्रकाशले समान १ विकेट लिए ।

त्यस अघि टस हारेर पहिला ब्याटिङ थालेको सिंगापुरले निर्धारित २० ओभरमा ७ विकेट गुमाउँदै १ सय ६७ रन बनाएको थियो । उसका ओपनर सुरेन्द्रन चन्द्रमोहनले ४७ बलमा ५ चौका र ४ चौका सहित सर्वाधिक ६६ रनको योगदान दिए । त्यस्तै टिम डेविड ४७,जनक प्रकाश २२,मनप्रित सिंह ९ र रोहन रंगराजनले ५ रन जोडे ।

जिम्बावेले पहिलो खेलमा नेपाललाई ५ विकेटले हराएको थियो । नेपालले दोस्रो खेलमा सिंगापुरलाई ९ विकेटले हरायो । तेस्रो खेलमा जिम्बावे सिंगापुरसँग ४ रनले स्तब्ध भएको थियो । चौथो खेलमा नेपाल जिम्बावेसँग ४० रनले पराजित भयो । पाँचौ खेल नेपाल र सिंगापुरबीच वर्षाको कारण रद्द भएको थियो ।

जिम्बावे ४ खेलमा ३ मा जित र १ मा हारका साथ ६ अंक सहित शीर्ष स्थानमा रहँदै उपाधि जितेको हो । ४ खेलमा समान १ खेल जितेको नेपाल रेन रेटका आधारमा दोस्रो स्थानमा रहँदा सिंगापुर पुछारमा रह्यो । त्रिकोणात्मक सिरिज खेलेर नेपाली टोली ओमानमा असोज १८ देखी २३ गते सम्म पाँच राष्ट्र सम्मिलित टि २० सिरिज खेल्न लागि सकेको छ ।