एजेन्सी – दक्षिण अफ्रिकासँगको पहिलो टेष्टमा घरेलु टोली भारतले विशालअग्रता कायम गरेको छ । दोस्रो दिनको खेल सकिदा भारतले ४ सय ६३ रनको अग्रता लिएको छ । भारतले १ सय ३६ ओभरमा ५०२-७ को अवस्थमा पहिलो इनिङ समाप्तीको घोषणा गर्यो । भारतका लागि ओपनर मयंक अग्रवालले २ सय १५ रनको दोहोरो शतकको उत्कृष्ट योगदान दिए ।

१ सय २० ओभरको चौथो बलमा क्याच आउट हुनुअघि अग्रवालले ३ सय ७१ बलमा २३ छक्का र ६ छक्का प्रहार गरे । उनको यो टेष्ट करिअरकै उच्च र पहिलो दोहोरो शतक हो । त्यस्तै अर्का ओपनर रोहित शर्माले २ सय ४४ बलमा २३ चौका र ६ छक्का सहित १ सय ७६ रनको योगदान दिएपछि भारतले पहिलो इनिङमै विशाल रन बनाएको थियो ।

चेतेश्वर पुजारा ६,कप्तान विराट कोहली २०,अजिंक्या रहाणे १५,रविन्द्र जडेजा ३०,हनुमा विहारी १० र रिद्धीमान शाहले २१ रन जोडे । दक्षिण अफ्रिका लागि केशव महाराजले सर्वाधिक ३ विकेट लिए । भर्नोन फिलेन्डर,डियन एल्गर,डनी पिड्ट,सेजरज मधुसामीको नाममा समान १ विकेट रह्यो ।

त्यस्तै दोस्रो दिन पहिलो इनिङ थालेको दक्षिण अफ्रिकाले खराब सुरुवात गरेको छ । दोस्रो दिनको खेल सकिदा दक्षिण अफ्रिका २० ओभरमा ३९-३ को कमजोर अवस्थामा छ । उसका एडेन मार्कराम ५,डे ब्रुइन ४ र डेन पिड्ट डक आउट भएका छन् । डीन एल्गर २७ र तेम्बा बुभुमा २ रनमा अविजित छन् । भारतका रविचन्द्र आश्विन २ र रविन्द्र जडेजाले १ विकेट लिए ।