एजेन्सी – विश्वको सर्वाधिक लोकप्रिय फ्रेन्चाइच इन्डियन प्रिमियर लिग (आईपीएल) २०२० को अक्सन आगमी डिसेम्बरमा हुने भएको छ । भारतीय क्रिकेट कन्टोल बोर्ड (बीसीसीआई) ले यस पटक डिसेम्बर १९ मा कोलकतामा अक्सन गर्ने जनाएको छ । यसअघि अक्सन गर्दै आएको बेंगलोरमा यस पटक नगर्ने भएको छ । यस पटक बीसीसीआईले कोलकतामा गर्ने जनाएको छ ।

आईपीएलमा एउटा खेलाडीको सम्झौता ३ वर्षको हुने गर्दछ । त्यसैको कारण सन् २०१८ भएको अक्सनको यो खेलाडीको लागि अन्तिम सिजन समेत हो । सन् २०२१ मा कुनै पनि फे्रन्चाइज टोलीले पुरै टोली नयाँ बनाउन सक्छ । यस पटक आफ्नो टिममा रहेका खेलाडीलाई रिटेन गर्ने र रिलिज गर्ने हुने छ ।

अक्सनमा सबै भन्दा बढी खर्च गर्न पाउने बाँँकी पैसा नेपाली लेग स्पिनर सन्दीप लामिछाने सम्मिलित दिल्ली क्यापिटल्ससँग रहेको छ । दिल्लीसँग भारतीय ८.२ रुपैयाँ करोड छ । राजस्थान रोयल्ससँग ७.१५ करोड,कोलकता नाइट राइडर्स ६.०५ करोड,सनराइज हैदराबादसँग ५.३ करोड,किंग्स इलाभेन पन्जावसँग ३.७ करोड,चेन्नइ सुपर किंग्स ३.२ करोड, मुम्बई इन्डियन्ससँग ३.०५ र रोयल च्यालेन्जर्स बेंग्लोरसँग अक्सनमा १.८ करोड भारतीय रुपैयाँ खर्च गर्न पाउने रकम रहेको जनाईएको छ ।

अन्य खेलाडीझैं लेग स्पिनर सन्दीप लामिछानेसँग दिल्ली क्यपिटल्सको यो अन्तिम वर्षको सम्झौता हो । दिल्लीले सन्दीपलाई सन् २०१८ मा २० लाख भारतीय रुपैयाँमा तीन वर्षको लागि अनुबन्ध गरेको थियो । दिल्लीले रिटेन गरेको खण्डमा सन्दीपले २० लाख वा आपसी सम्झौतामा सन्दीपको पारिश्रमक बढ्न सक्ने छ । यस सिजिनमा अन्य केहि नेपाली अक्सनमा पर्न सक्ने अनुमान गरिएको छ ।

यता दिल्लीले सन्दीपलाई रिटेन गर्ने संभावना पनि रहन्छ । दिल्ली क्यापिटल्समा चार लेग स्पिनर छन् । दिल्लीले केहि महिना अघि मुम्बई इन्डियन्सका लेग स्पिनर मंयक मारकन्डेलाई टिममा भित्र्याएको छ । वेस्ट इन्डिजका अलराउण्डर शरफेन रदरफोर्डलाई मुम्बईमा पठाउँदै मारकन्डेलाई टोलीमा भित्र्याएको थियो। मारकन्डेसँगै सन्दीप,अमित मिश्रा र राहुल तेवतिया दिल्लीका लेग स्पिनर हुन् । दिल्लीले किंग्स इलाभेन पञ्जावका अफ स्पिनर तथा कप्तान रविचन्द्र आश्विनलाई पनि भित्र्याउन खोजि रहेको भारतीय मिडियाले बताएका छन् । सन् २०१८ मा ३ खेलमा मात्रै मौका पाएका सन्दीपले गत संस्करणमा ६ खेल खेल्दा अन्य सबैमा बेन्चमा बस्नु परेको थियो ।