एजेन्सी – क्यारेवियन प्रिमियर लिग (सीपीएल) मा नेपाली लेग स्पिनर सन्दीप लामिछानेको टोली बार्बाडोस ट्राइडेन्स जमैका तल्लावाहस ५ रनले पराजित भएको छ । अन्तिम दुई बलमा ६ रन चाहिएको अवस्थामा सन्दीपले दुबै बल डट खान पुगे । सन्दीप ८ बलमा १ चौका सहित ९ रनमा अविजित रहे ।

१ सय २८ रनको विजयी लक्ष्य पछ्याएको बार्बाडोस २० ओभरमा ९ विकेट गुमाउँदै १ सय २२ रन बनायो । उसका लागि जोशन चाल्र्सले ३५ बलमा ३ चौका सहित सर्वाधिक ३१ रनको योगदान दिए । एलेक्स हक्सले १६ र जोनाथन कार्टर १७ रनको योगदान दिएँ । तल्लोक्रममा रेमोन रिफरले १२ बलमा समान २ चौका र छक्का सहित २६ रनको योगदान दिए । इमरान खान र शमर स्पिन्गरले समान ३ विकेट लिए । ड्वेन स्मिथले २ र जाहिर खानले १ विकेट लिए ।

त्यसअघि टस हारेर ब्याटिङ थालेको जमैका निर्धारित २० ओभरमा अल आउट १ सय २७ रनमा अल आउट भयो । उसका लागि विकेटकीपर ग्लेन फिलिप्सले ३५ बलमा ५ चौका र १ छक्का सहित सर्वाधिक ४१ रनको योगदान दिए । चाडविक वाल्टन १३,क्रिस गेल १,इमरान खान १० र कप्तान जर्ज वर्कर ६ रनमा आउट भए । सन्दीपले ४ ओभरमा १७ रन खर्चेर २ विकेट लिए । कप्तान जोसन होल्डर र रेमोन रिफरले समान २ विकेट लिए । रोशन प्रिमुस,हेरी गुर्नी र जेपी ड्युमिनीले १ विकेट लिए ।

सन्दीपको चार ओभर

सन्दीपले पाँचौ ओभरमा पहिलो बलमा ग्लेन फिलिप्सलाई १ रन दिए । सन्दीपले दोस्रो बलमा चाडविक वाल्टनलाई एलशे नर्शबाट १३ रनमा क्याच आउट गराउँदै पहिलो सफलता हात पारे । सन्दीपले अन्य तीन बल कप्तान जर्ज वर्करलाई लगातार डट राखेका थिए । अन्तिम बलमा दुई रन दिए ।

सन्दीपले नवौं ओभरमा पनि आफ्नो उत्कृष्ट प्रर्दशनलाई निरन्तरता दिए । सुरुवाती तीन बलमा समान १ रन दिए । चौथो बलमा सन्दीपले ड्वेन स्मिथलाई जस्टिन ग्रिब्सबाट क्याच गराउँदै पेभिलिएन फर्काए । पाँचौ र छैटौ बलमा १–१ रन खर्चे ।

सन्दीपले १६ औं ओभरमा मात्र ५ रन खर्चिए । शमर स्पिन्जरलाई पहिलो बलमा १,रमाल लुईसलाई दोस्रोडट र तेस्रोमा १ रन दिए । चौथो बल डट राख्दा पाँचौ बलमा पनि १ रन दिए । अन्तिम बलमा जोसन चाल्सले स्टम्पिङ गर्न चुक्दा वाईका रुपमा लुईसले दुई रन लिए ।

सन्दीपले आफ्नो स्पेलको अन्तिम ओभरको रुपमा १८ औं ओभरमा ६ रन खर्चिए । पहिलो बलमा लुईसलाई २ र दोस्रो डट राखे । तेस्रोमा १ रन दिदा चौथो बल पुन डट रोखे । पाँचौमा २ र अन्तिममा १ रन दिदै आफ्नो स्पेल सकाए ।