एजेन्सी – क्यारेवियन प्रिमियर लिग (सीपीएल) मा नेपाली लेग स्पिनर सन्दीप लामिछानेले जमैका तल्लावाहसविरुद्ध घातक बलिङ गरेका छन् ।

टसहारेर पहिला ब्याटिङ थालेको जमैका १८.३ ओभरमा १०८-८ को अवस्थामा वर्षाको कारण खेल रोकिएको छ । उसका लागि विकेटकीपर ग्लेन फिलिप्सले ३५ बलमा ५ चौका र १ छक्का सहित सर्वाधिक ४१ रनको योगदान दिए । चाडविक वाल्टन १३,क्रिस गेल १,इमरान खान १० र कप्तान जर्ज वर्कर ६ रनमा आउट भए । सन्दीपले ४ ओभरमा १७ रन खर्चेर २ विकेट लिए । कप्तान जोसन होल्डर २,रोशन प्रिमुस,हेरी गुर्नी,जेपी ड्युमिनी र रेमोन रिफरले समान १ विकेट लिई सकेका छन् ।

यस्तो रह्यो सन्दीपको चार ओभर

सन्दीप पाँचौ ओभरमा आफ्नो स्पेलको पहिलो ओभर लिएर बलिङ गर्न आएका थिए । पहिलो बलमा ग्लेन फिलिप्सलाई १ रन दिए । सन्दीपले दोस्रो बलमा चाडविक वाल्टनलाई एलशे नर्शबाट १३ रनमा क्याच आउट गराउँदै पहिलो सफलता हात पारे । सन्दीपले अन्य तीन बल कप्तान जर्ज वर्करलाई लगातार डट राखे । अन्तिम बलमा दुई रन दिए ।

सन्दीपले नवौं ओभरमा ५ रन खर्चेर १ विकेट लिए । ग्लेन फिलिप्स र ड्वेन स्मिथलाई सुरुवाती तीन वलमा १-१ रन दिए । चौथो बलमा सन्दीपले ड्वेन स्मिथलाई जस्टिन ग्रिब्सबाट क्याच गराउँदै पेभिलिएन फर्काए । पाँचौ र छैटौ बलमा १-१ रन खर्चे ।

सन्दीपले १६ औं ओभरमा मात्र ५ रन खर्चिए । शमर स्पिन्जरलाई पहिलो बलमा १,रमाल लुईसलाई दोस्रो डट र तेस्रोमा १ रन दिए । चौथो बल डट राख्दा पाँचौ बलमा पनि १ रन दिए । अन्तिम बलमा जोसन चाल्सले स्टम्पिङ गर्न चुक्दा वाईका रुपमा लुईसले दुई रन पाए ।

सन्दीपले आफ्नो स्पेलको अन्तिम ओभरको रुपमा १८ औं ओभरमा ६ रन खर्चिए । पहिलो बलमा लुईसलाई २ र दोस्रो डट राखे । तेस्रोमा १ रन दिदा चौथो बल पुन डट रोखे । पाँचौमा २ र अन्तिममा १ रन दिदै आफ्नो स्पेल सकाए ।