5 years ago
September 19, 2019
काठमाडौं (हाम्रो खेलकुद) – सिंगापुरमा हुने त्रिकोणात्मक र ओमानमा हुने टि२० सिरिजको लागि नेपाली राष्ट्रिय क्रिकेट टोलीको घोषणा भएको छ । विहीबार भएको घोषणा टोलीमा ३ युवा खेलाडीलाई पहिलो पटक मौका दिईएको छ ।
घोषणा टोलीमा अलाउन्डर कुशल मल्ल र शीर्षक्रमका ब्याट्सम्यान इशान पाण्डे पहिलो पटक टोलीमा परेका छन् । कुशल मल्लले उमेर समुहमा राम्रो प्रभाव छाडेका छन् ।इशान पाण्डेले गत जेठमा प्रधानमन्त्र एक दिवसिय क्रिकेट प्रतियोगितामा उत्कृष्ट प्रर्दशन गरेका थिए । कुशल र इशान दुबै देबे हाते खेलाडी हुन् ।
घोषणा टोलीमा गत महिना सिंगापुरमा सम्पन्न आईसीसी टि२० एसिया विश्वकप छनोटमा रहेका वसन्त रेग्मी,शरद भेषवाकर,ज्ञानेन्द्र मल्ल र प्रदीप ऐरी टोलीमा छैनन् । युवा खेलाडी दिपेन्द्र सिंह ऐरीलाई उप कप्तानको जिम्मेवारी दिएको छ । नेपाली टोलीमा आरिफ शेख,सन्दीप जोरा र सुसन भारीले पुनरागमन गरेका छन् ।
नेपालले सेप्टेम्बर २७ देखी अक्टोबर ३ सम्म जिम्बाबे र सिंगापुरसँग त्रिकोणात्मक सिरिज खेल्ने छ । त्यस्तै अक्टोबर ५ देखी १० सम्म ओमानमा पाँच राष्ट्रबीच टि२० सिरिज खेल्ने छ । जसमा ओमान सहित नेपाल,हङकङ,नेदरल्यान्ड,आयरल्यान्ड छन् ।
सिंगापुर र ओमान सिरिजको लागि नेपालको १५ सदस्य टोली
१.पारस खड्का (कप्तान), २.दीपेन्द्र सिंह ऐरी (उप कप्तान), ३.कुशल मल्ल, ४.इशान पाण्डे, ५.सोमपाल कामी, ६.सन्दीप लामछाने, ७.करण केसी, ८.ललित नारायण राजवंशी , ९.आरिफ शेख, १०.सन्दीप जोरा, ११.विनोद भण्डारी , १२.पवन सरार्फ , १३.अभिनाश बोहोरा, १४.रोहित कुमार पौडेल, १५.सुशन भारी
January 31, 2025
काठमाडौं(हाम्रो खेलकुद) – नेदरल्याण्ड्सले थाइल्याण्डलाई त्रिकोणात्मक सिरिजको दोस्रो खेल जित्न मध्यम लक्ष्य दिएको छ । जारी महिला त्रिकोणात्मक टि ट्वान्टी आई सिरिजको दोस्रो खेलमा नेदरल्याण्ड्सले थाइल्याण्डलाई १ सय २३ रनको मध्यम लक्ष्य दिएको हो । कीर्तिपुरमा रहेको टियु क्रिकेट मैदानमा टस जितेर ब्याटिङ गरेको नेदरल्याण्ड्सले २० ओभरमा ६ विकेट गुमाएर १ सय २२ रन बनायो […]
January 31, 2025
काठमाडौं(हाम्रो खेलकुद) – नेदरल्याण्ड्सले जारी महिला त्रिकोणात्मक टि ट्वान्टी सिरिजमा थाइल्याण्डविरुद्ध टस जितेको छ । कीर्तिपुरस्थित टियु क्रिकेट मैदानमा नेदरल्याण्ड्सकी कप्तानले टस जितेर ब्याटिङ रोजेकी हुन् । सिरिजमा नेदरल्याण्ड्स लगातार दोस्रो जितको खोजीमा छ । पहिलो खेल खेल्दै गरेको थाइल्याण्ड जितका साथ सिरिज सुरु गर्न चाहन्छ । नेदरल्याण्ड्सले बिहीवार भएको पहिलो खेलमा आयोजक नेपाललाई पराजित […]
January 31, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजमा आज नेदरल्याण्ड्स र थाइल्याण्डको खेल्दैछन्। खेल कीर्तिपुरस्थित टियु क्रिकेट मैदानमा दिउँसो १२:१५ बजे सुरु हुनेछ। सिरिजमा नेदरल्याण्ड्स लगातार दोस्रो जितको खोजीमा छ । पहिलो खेल खेल्दै गरेको थाइल्याण्ड जितका साथ सिरिज सुरु गर्न चाहन्छ । नेदरल्याण्ड्सले बिहीवार भएको पहिलो खेलमा आयोजक नेपाललाई पराजित गरेको थियो । […]
