5 years ago
September 17, 2019
काठमाडौं (हाम्रो खेलकुद) – नेपाली राष्ट्रिय क्रिकेट टोलीमा बलिङ प्रशिक्षकका रुपमा भारतका पुर्व स्पिनर वुरिती वेंकटराम नेपाल आएका छन् ।
अन्तर्राष्ट्रिय क्रिकेट परिषद (आईसीसी) ले सिंगापुर र ओमानमा हुने टि२० सिरिज सम्मको लागि उनलाई नेपाल पठाएको नेपाली क्रिकेटका मिडिया म्यानेजर तथा भिडियो एनालिष्ट सुरज शाक्यले हाम्रो खेलकुदलाई जानकारी दिए । उनी सोमबार नेपाल आई पुगेका छन् । नेपालको प्रमुख बलियो मानिने बलिङ पछिल्लो समय कमजोर रहँदै आएको छ ।
गत महिना सिंगापुरमा सम्पन्न टि२० एसिया विश्वकप छनोटमा नेपालको बलिङ कमजोर देखिएको थियो । वेंकटसँग भारतबाट प्रथम श्रेणी र लिष्ट ए क्रिकेटको अनुभव छ । उनले ६८ प्रथम श्रेणीको खेलमा २.७१ को इकोनमीमा रन खर्चेर कुल २ सय १७ विकेट लिएका छन् । बेनकटराम बीसीसीआईका लेभल ३ का कोच हुन् ।
उनले रणजी ट्रर्फिमा झारखण्ड लगायतका टोलीलाई प्रशिक्षण दिइसकेका छन् । उनले सन् १९७३ देखी १९९२ सम्म भारतबाट प्रथम श्रेणी र लिष्ट ए खेल खेलेका थिए । नेपालले सेप्टेम्बर २७ देखी अक्टोबर ३ सम्म सिंगापुर, जिम्बाबेसँग सिंगापुरमा त्रिकोणात्मक टि२० सिरिज खेल्ने छ । सिंगापुरबाटै नेपाली टोली ओमानमा पाँच राष्ट्रबीच हुने टि२० सिरिज खेल्न जाने छ ।
उक्त सिरिजमा नेपाल, नेदरल्यान्ड, ओमान, आयरल्यान्ड र हङकङ छन् । नेपाली टोली यी दुई टि२० सिरिज र आगमी डिसेम्बरमा नेपालमा हुने १३ औं दक्षिण एसियाली खेलकुद (साग) को लागि गत तीन हप्तादेखि बन्द प्रशिक्षणमा छ । सिंगापुर र ओमानमा हुने टि२० सिरिजको लागि नेपालको एक दुई दिनमै घोषणा हुने छ ।
January 31, 2025
काठमाडौं(हाम्रो खेलकुद) – नेदरल्याण्ड्सले थाइल्याण्डलाई त्रिकोणात्मक सिरिजको दोस्रो खेल जित्न मध्यम लक्ष्य दिएको छ । जारी महिला त्रिकोणात्मक टि ट्वान्टी आई सिरिजको दोस्रो खेलमा नेदरल्याण्ड्सले थाइल्याण्डलाई १ सय २३ रनको मध्यम लक्ष्य दिएको हो । कीर्तिपुरमा रहेको टियु क्रिकेट मैदानमा टस जितेर ब्याटिङ गरेको नेदरल्याण्ड्सले २० ओभरमा ६ विकेट गुमाएर १ सय २२ रन बनायो […]
January 31, 2025
काठमाडौं(हाम्रो खेलकुद) – नेदरल्याण्ड्सले जारी महिला त्रिकोणात्मक टि ट्वान्टी सिरिजमा थाइल्याण्डविरुद्ध टस जितेको छ । कीर्तिपुरस्थित टियु क्रिकेट मैदानमा नेदरल्याण्ड्सकी कप्तानले टस जितेर ब्याटिङ रोजेकी हुन् । सिरिजमा नेदरल्याण्ड्स लगातार दोस्रो जितको खोजीमा छ । पहिलो खेल खेल्दै गरेको थाइल्याण्ड जितका साथ सिरिज सुरु गर्न चाहन्छ । नेदरल्याण्ड्सले बिहीवार भएको पहिलो खेलमा आयोजक नेपाललाई पराजित […]
January 31, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजमा आज नेदरल्याण्ड्स र थाइल्याण्डको खेल्दैछन्। खेल कीर्तिपुरस्थित टियु क्रिकेट मैदानमा दिउँसो १२:१५ बजे सुरु हुनेछ। सिरिजमा नेदरल्याण्ड्स लगातार दोस्रो जितको खोजीमा छ । पहिलो खेल खेल्दै गरेको थाइल्याण्ड जितका साथ सिरिज सुरु गर्न चाहन्छ । नेदरल्याण्ड्सले बिहीवार भएको पहिलो खेलमा आयोजक नेपाललाई पराजित गरेको थियो । […]
