भारत १ सय ६ रनमै अलआउट !

एजेन्सी – श्रीलंकामा जारी एसीसी यू१९ एसिया कप क्रिकेट प्रतियोगितामा पाँच पटकको च्याम्पियन भारत फाइनलमा बंगलादेशसँग १ सय ६ रनमै अल आउट भएको छ ।

कोलोम्बोमा टस जितेर पहिला ब्याटिङ गर्ने निर्णय लिएको भारत ३२.४ ओभरमा १ सय ६ रनमा अल आउट हुन पुग्यो । भारतका लागि ८ ब्याट्सम्यानले दोहोरो अंकमा रन छुन सकेनन् । तल्लोक्रमका कर्ण लालले ४३ बलमा ३ चौका र १ छक्का सहित सर्वाधिक ३७ रनको यागदान दिए । त्यस्तै कप्तान धुब्र जुरेल ३३ र ससावत रावतले १९ रन जोड्न बाहेक अन्यले दोहोरो अकमा रन जोड्न सकेनन् ।

बंगलादेशका शामिम हसनले ६ ओभरमा २ मेडन सहित ८ रन खर्चेर ३ विकेट लिए । त्यस्तै मुत्तुन्जय चौधरीले ७.४ ओभरमा १८ रन खर्चेर ३ विकेट हात पारे । शाहिन आलम र हसन सकीबको नाममा समान १ विकेट रह्यो । यू१९ एसिया कप हाल सम्म बंगलादेशले जित्न सकेको छैन ।

समुह बी मा रहेको नेपाल श्रीलंकासँग ५ र बंगलादेशसँग ६ विकेटले पराजित हुँदै बाहिरिएको थियो । नेपालले अन्तिम खेलमा यूएईलाई १ सय ६० रनले पराजित गरेको थियो ।