रोहितको अर्ध शतकमा नेपाल बलियो योगफलतर्फ

काठमाडौं (हाम्रो खेलकुद) – कप्तान रोहित कुमार पौडेलले एसीसी यू१९ एसिया कप क्रिकेट प्रतियोगितामा यूएईविरुद्ध अर्ध शतक पुरा गरेका छन् । रोहितले ६४ बलमा अर्ध शतक पुरा गरेका हुन् । टस हारेर ब्याटिङ थालेको नेपालले २९ ओभर सम्म १ सय ५२ रन जोड्न ३ विकेट गुमाएको छ ।

नेपालका लागि रोहित ७२ बलमा ९ चौका र १ छक्का सहित ६३ रनमा खेली रहेका छन् । रोहितलाई सन्दीप जोराले ३७ बलमा ५ चौका सहित ३६ रनमा साथ दिई रहेका छन् । नेपालले ओपनर रित गौतम र पवन सरार्फ दुवैलाई शून्यमा गुमाउँदै खराब सुरुवात गरेको थियो ।

तर तेस्रो विकेटका लागि रोहितले विकेटकीपर मोहम्मद आशिफ शेखसँग ७१ रनको महत्वपूर्ण साझेदारी गरेपछि नेपाल समालिएको हो । १९ ओभरको दोस्रो बलमा क्याच आउट हुनुअघि आशिफले ५३ बलमा ८ चौका सहित ४५ रनमा क्याच आउट भए ।