काठमाडौं (हाम्रो खेलकुद)– सिंगापुरमा हुने नेपाल,जिम्बाबे र सिंगापुरबीचको त्रिकोणात्मक टि ट्वान्टी सिरिजको खेल तालिका सार्वजनिक भएको छ । सिंगापुर क्रिकेटले शुक्रबार सार्वजनिक गरेको तालिका अनुसार नेपालले पहिलो खेल जिम्बाबेसँग खेन्ने छ ।

त्रिकोणात्मक सिरिज २७ सेप्टेम्बर देखि ३ अक्टोबर सम्म हुनेछ । नेपालले पहिलो खेल २७ सेप्टेम्बरमा जिम्बाबेसँग खेल्ने छ । त्यसको भोली पल्ट २८ सेप्टेम्बरमा सिंगापुरसँग नेपालले अक्टोबर १ जिम्बाबे र २ अक्टोबरमा पुनः सिंगापुरसँग खेल्ने छ ।

सम्भवत नेपाली टोली उतैबाट पाँच देश सम्मिलित टि ट्वान्टी सिरिजत खेल्न ओमान जाने छ । अक्टोबर ५ देखी १० सम्म टि २० सिरिज हुँदै छ । जसको लागि नेपालले गत सेप्टेम्बर १ देखी बन्द प्रशिक्षण गरिरहेको सकेको छ । यो सिरिजलाई सिंगापुरले ग्लोबल छनोट अघि अभ्यासका रुपमा लिएको छ ।

एक महिना अघि घरेलु मैदानमा आईसीसी टि २० एसिया विश्वकप छनोट प्रतियोगिताको उपाधि जित्दै सिंगापुर ग्लोबल छनोटमा पुगेको थियो । यसै प्रतियोगितामा नेपाल अन्तिम खेलमा सिंगापुर सँग लज्जास्पद हार बेहोदै विश्वकप यात्राबाट बाहिरिएको थियो ।

नेपालसहित ५ राष्ट्रले आगमी अक्टोबर ५ देखि १० सम्म ओमानमा हुने टि२० सिरिजमा टेष्ट राष्ट्र आयरल्यान्ड, नेपाल, ओमान, हङकङ र नेदरल्यान्ड रहेका छन् । नेपालले ६ अक्टोबरमा हङकङ,७ अक्टोबर नेदरल्यान्ड,९ अक्टोबरमा आयरल्यान्ड र १० अक्टोबरमा ओमानसँग खेल्ने छ । यसलाई यूएईमा हुने ग्लोबल छनोटको तयारी स्वरुप लिइएको छ ।