काठमाडौं (हाम्रो खेलकुद) – एसीसी यू१९ एसिया कप क्रिकेट प्रतियोगितामा नेपालले खराब सुरुवात गरेको छ ।

डकवर्थ लेविस पद्धतीका आधारमा ५ विकेटले पराजित हुँदा नेपालको अघिल्लो चरण कठिन बनेको छ । अब सेमिफाइनलमा पुग्न नेपालले बंगलादेश र यूएई दुबैलाई जित्नुपर्छ । जितेर मात्र पुग्दैन अन्य खेलको नतिजामा पनि भर पर्ने छ । नेपालले आइतबार बंगलादेश र मंगलबार यूएईसँग खेल्ने छ ।

टस जितेर पहिला ब्याटिङ थालेको नेपालले निर्धारित ४२ ओभरमा ९ विकेट गुमाउँदै १ सय ५९ रन बनाएको थियो । कप्तान रोहित कुमार पौडेल ४७ र रित गौतमले ५५ रन बनाउन बाहेक अन्य ब्याट्सम्यानले राम्रो प्रर्दशन गर्न सकेनन् । १ सय ६० रनको लक्ष्य पछ्याएको श्रीलंकाले ३३.४ ओभरमा ५ विकेट गुमाउँदै १ सय ५९ बनाएको अवस्थामा वर्षाको कारण खेल रोकिन पुगेको थियो । नेपाल र श्रीलंकाबीचको खेलमा केहि यस्ता पक्ष रहे । जुन पक्ष्यले सबैको मन जित्न सफल रहे । नेपाल र श्रीलंकाबीचको खेलमा हेर्न लायक ३ पक्ष्य :

श्रीलंकाको ब्याटिङ

मध्यम लक्ष्य पछ्याएको श्रीलंकाका ब्याट्सम्यानले कुनै पनि समय नेपाली बलरलाई हाबी हुन दिएनन् । निरन्तर दबाबमा राखि रहे । नेपालको बलियो मानिने बलिङ श्रीलंकाका ब्याट्सम्यानले कमजोर सावित गर्दिए । श्रीलंकाका ७ मध्य ६ ब्याट्सम्यानले दोहोरो अंकमा रन जोडे । नेपालका ११ मध्य ७ ब्याट्सम्यानले दोहोरो अंकमै रन बनाउन सकेनन् ।

श्रीलंका ब्याट्सम्यानले कमजोर बलमा चौका र छक्का प्रहार गर्दा अन्य बलमा एक दुई रन लिई स्ट्राइक परिवर्तन गरि रहेका थिए । कामिल मिश्राले ६२ बलमा ३ चौका र २ छक्का सहित ५५ रन जोडे । अहान विमक्रसिंघेले मिश्रालाई राम्रो साथ दिए । अन्य ब्याट्सम्यानबीच पनि छिटो छोटो राम्रो साझेदारी बनि रहेको थियो । जुन खेलमा साच्चै हेर्न लायक रह्यो ।

रितको अर्धशतक

ओपनर रित गौतमले अर्ध शतक प्रहार गर्दै नेपाललाई सम्मानजक अवस्थामा पुर्याए । सुरुवातमै ओपनर पवन सरार्फलाई ४ र आशिफ शेखलाई ७ रनमा गुमाएको थियो । तर रितले श्रीलंकाली बलरलाई निरन्तर डटेर सामना गरे । नेपालको इनिङ समालेका रितले आफु क्रिजमा हुन सम्म ठूलो योगफलको संभावना देखाएका थिए । तर २९ ओभरको पहिलो बलमा आउट हुनुअघि ८६ बलमा ४ चौका प्रहार गर्दै ५५ रन जोडे । जुन इनिङले सबैलाई आर्कषित गर्यो ।

उमेर समुहमा दुई शतक प्रहार गर्ने एक्लो नेपाली ब्याट्सम्यानले कीर्तिमान बनाएका रितले आफ्नो उत्कृष्ट लयलाई श्रीलंकासँगको खेलमा पनि निरन्तरता दिए । जुन श्रीलंकाविरुद्ध नेपाली ब्याट्सम्यानले गरेको प्रर्दशनमा रितको इनिङ हेर्न लायक थियो । उत्कृष्ट लयमा रहेका रितलाई ओमानमा हुने टि२० सिरिज र सागको लागि सिनियर टोलीले बन्द प्रशिक्षणमा बोलाएको छ ।

रोहित र रितको साझेदारी

टस जितेर पहिला ब्याटिङ गर्ने निर्णय लिएको नेपालले राम्रो सुरुवात गर्ने अनुमान गरिएको थियो । तर ओपनर पवन सरार्फ ४ र विकेटकीपर आशिफ शेख ७ रनमा आउट भएपछि नेपालले सुरुवातनै खराब गरेको थियो । खराब सुरुवात गरेको नेपाललाई रित गौतम र रोहित कुमार पौडेलले ९१ रनको साझेदारी गर्दै सम्मानजनक योगफलसम्म पुर्याए ।

यीदुई ब्याट्सम्यानमा दबाबमा पनि खेल्न सक्ने क्षमता रहेको प्रमाणित समेत गरे । तर पुन तल्लोक्रमका ब्याट्सम्यान चल्न नसक्दा नेपालले सामान्य योगफलमै रोकियो । तर नेपालको ब्याटिङ इनिङमा यी दुईबीचको साझेदारी हेर्न लायक थियो ।