रितको अर्ध शतक पुरा

काठमाडौं (हाम्रो खेलकुद) – ओपनर रित गौतमले एसीसी यू१९ एसिया कप क्रिकेट प्रतियोगितामा श्रीलंकाविरुद्ध अर्ध शतक पुरा गरेका छन् । रितले ७४ बलमा ४ चौका सहित अर्ध शतक पुरा गरेका हुन् ।

रितको अर्ध शतकसँगै कोलोम्बोमा टस जितेर पहिला ब्याटिङ गर्ने निर्णय लिएको नेपालले २५ ओभरमा १ सय रन बनाउन २ विकेट गुमाएको छ । रित ५० र कप्तान रोहित कुमार पौडेल २८ रनमा खेली रहेका छन् । रित र रोहितले तेस्रो विकेटका लागि ७६ रनको साझेदारी गरि सकेका छन् ।

ओपनर पवन सरार्फ ४ रनमा आउट भए । पवनलाई पाँचौ ओभरको चौथो बलमा मदुसनकाले विकेटकीपर कामिल मिश्राबाट क्याच गराउँदै पेभिलिएन फर्काए । मदुसनकालेनै सातौं ओभरको पाँचौ बलमा आशिफ शेखलाई ७ रनमा बोल्ड आउट गरे । वर्षाले केहि समय खेल अवरुद्ध हुँदा ५० ओभरबाट ४२ मा झारिएको छ ।