टेष्ट क्रिकेटमा रासिदको कीर्तिमान

एजेन्सी – अफगानिस्तानका लेग स्पिनर तथा कप्तान रासिद खानले टेष्ट क्रिकेटमा कीर्तिमान रचेका छन् । बंगलादेशसँगको पहिलो टेष्टमा बिहीबार टस जितेर ब्याटिङ रोज्दा रासिदको नाममा नयाँ विश्व कीर्तिमान बनेको हो ।

रासिद टेष्टमा सबै भन्दा कम सानो उमेरमा कप्तानी गर्ने खेलाडी बनेका छन् । रासिद बंगलादेशविरुद्ध कप्तानको रुपमा मैदान उत्रदा २० वर्ष ३ सय ५० दिन थिए ।

यस अघि टेष्टमा सर्वाधिक कम उमेरमा कप्तानको रेकर्ड जिम्बाबेका टटेन्डा टायबू २० वर्ष ३ सय ५८ दिनमा गरेका थिए । विश्वकपमा खराब प्रर्दशनसँगै अफगानिस्तानले रासिदलाई तीनै फ्रम्र्याट टेष्ट, एक दिवसिय र टि ट्वान्टीको कप्तानको जिम्मेवारी दिएको थियो ।